Лента событий ВААК
«Атурых амадзаква»: АААК Апсны апхьагIвчва йырзынарху апроект архъйауаркIвитI
АшIыпIа хъвшараква рыцынхарала Адуней апсуа-абаза конгресс ахъвшара культура-арыпхьара нархара зму апроект «Атурых амадзаква» акIвнаршауаркIвитI.
Ари азын ауи йгIалалтI Чочуа А.М. йыхьыз зхъу АдзыгIвбжьа аквтанай апхьарта апхьагIвчва. МшкIы ауацIа акъраль акъала хъада асасчва шIаква пщмузейкI йдырцатI: Ардзынба В. йыхьыз зхъу Айсра Ртшхъвара амузей, АкъральыгIва музей, Гулиа Д. й-Тдзы-музей йгьи Апсны а-Банк амузей. ЙъакIвызлакIьи апхьагIвчва йджьащахъву, шIыцра щарда гIазлыркIгIаз амдараква рзадыргалтI. Асабиква ркъраль агвбайра тынхи фыррала йырчвыз атурыхи йрылалын йрымаджьащахъвадзата экскурсия акIвзыршаквуз йрыздзыргIвуан, азцIгIараква рыртуан, амузейква йрыгIвну апкъыгIваква йрымагIальаматта йырпшуан, рлахIвараква азаджв азаджв йыцагIвишахуан. Ларпшрала йырчвыз амш ацIыхъва ацIайква хъагIата йдырчатI.
А-Конгресс агвып амдара адгалра йгIацхърагIаз амузейква рунашвачпагIвчви рынхагIвчви йырзыразпI.
