Лента событий ВААК
Эгьзакь Мадини Чвыджьба Абзагви Кунсткамера апны йакIвшаз КIавкIаз аэтнографияла аконференция апны йгIачважватI
Асквш 2026 май а 12 йгIашIарышвта а 14-дза РАН йаланакIуа Петр Ду йыхьыз зхъу Антропологии этнографии рмузей (Кунсткамера) апны КIавкIази Квта Азии рэтнография, рантропология йгьи рфольклористика йырзынарху анаука конференция апхъаква йрыуазакIу XLIX Лавров (квтаазия-кIавкIаз) апхьараква акIвшатI. Ауи атурых сквш 50 аъара гIацIанакIитI, Россиягьи агIвыма къральквагьи рпны йаъу апхьахьа апхъагылагIвчва гIалалитI, йагъьу агIачважвараква ВАК ашвъаква йырну, йызхъпшылуа анаука журнал йгIанырцIитI. Алалра акIавкIаздырыгIв ду Карпов Юрий Юрий йпа дангIадрийызищтара сквшы 70 ъацIуаз йазынархан.
Аконференция анхара йалан:
Эгьзакь Мадина Николай йпхIа – афилософия наукаква ркандидат, Киров С.М. йыхьыз зхъу Санкт-Петербург акъральыгIва бнатехника университет апны философии социал нархара зму адисциплинакви ркафедра аунашвахъцIагIв.
Ауи «Россия ауыжвгIанчIви жвлара хабарргагаква рпны абаза уагIахъа ргендер стереотипква шIыцта йшгIадырбауа» доклад гIалчпатI, ауаъа ахабарргагаква йгIарылху ашвапхаквала ахъацIакви апхIвыскви ркъазщакви рчпащакви шгIадырбауа алкIгIараква аллыргатI.
Чвыджьба Абзагв Геннадий йпа – Адуней апсуа-абаза конгресс (АААК) аппарат аунашвахъцIагIв, Апсны аршIыйагIвчва шIаква радкIылара (СТМА) аунашвачпагIв.
Ауи йдоклад «Апсуара амагIны: этимология, алаща йгьи ацIасква рынкъвгара амеханизмква» йара йлихыз, хвхъвыкIта йалу этнокультура ргIапсра ащаквгылра аджыпха йазынархан. ЙалачIвакваз йалкIгIата йрымагIальаматхатI АААК, «Алашара» йгьи СТМА йдырхъйауа апроектквала ауи аджыпха абзазара апны йшгIадрысабапуа ъагIайырбаз.
ЙхIыцынхауа хIыгIвычIвгIвысква ауи апш надзара хIаракIы зму аконференция дахIвра рымата йъалаз хIрайхIвахIвитI, апхъахьылагьи анаука йгьи ажвлара гIатгараква рзыхIтахъпI!
