Лента событий ВААК
11 Ноябрь 2022
11.11.2022 10:40
Бзыб, Апсны Республика
АААК Бзыб кыт апны амакъымбзибагIвчва шIаква рыхъазла йырхъвыхру мастер-класс акIвнаршатI
АААК амакъымршIыйагIв Марыхвба Абзагв далата ахваша, ноябрь а 11 атшын, Бзыб апхьагIвчва рхъвыхрата музыкала мастер-класс рзаднагалтI. Амастер-класс апхъала Марыхвба Абзагв абжьы анцIара атшауацIыхра атурых айшыста даквчважватI.
Апроект агIаджвыквцIагIвчви апхьагIвчви музыка йаквчважватI, чкIвыныргIа рыцIа йхъызхуа амакъымква запшу гIаддырдыртI, амакъым ъамапсымаквала йапшым амакъым композицияква йгIарыстI. Дара апхьагIвчвагьи рталантква гIадырбарныс лшара раутI.
Музыка нархара зму апроект шIыц асквш 2023 агIан йджвыкврыжьра ргвыгъапI. Ауи апкъ йтата макъым гIаныршарала йхътIу апхьарасахIаткви амастер-класскви акIвдыршуштI. Апроект алдыргауата йагъьу амакъым композицияквала авидеоклипква хъырхуаштI, концертгьи адыргалуаштI.
0