По данным Оперативного штаба по защите населения от коронавирусной инфекции за прошедшую неделю в Абхазии выявлено 73 случая заражения, протестировано 662 человека.
Барганджиа Саид
ЙагIвсыз амчыбыжь ауацIа Апсны апны коронавирус рыхьуата ужвыгьи 73-гIв гIараутI, азгIва рыхьуи йрымхьуи гIаддырдыруата архъвыхра 662-джь гIакIылстI. Ауи апш хабар аргатI АуагIа коронавирус згIва йачвыхчарала аоперштаб.
Аштаб ауысхагIвчва йшырхIвазла, ужвы ари асахIат Гвдауыта Аквта район чымазагIвтара апны коронавирус шрыхьуа щаквдыргылхьата 17-джв щтIапI. Амчыбыжь ауацIа ачымазагIвтара хвгIвы гIацIырщтхтI.
"Пандемия гIаджвыквлищтара Апсны апны коронавирус зхьуата йщаквдыргылыз зымгIва шалу 315-гIв йнадзитI. Ауат йрыуата 120-гIвы бзихахтI, пщгIвы псытI", – хабар аргитI аоперштаб.
АуагIа коронавирус згIва йачвыхчарала аоперштаб ауысхагIвчва датшагьи йгIархIватI Апсны апны COVID-19 ауыс уазцгIата аъачIвагIагIвчва рбжьагажва уаздзыргIвы йызлауаш йанакIвызлакIгьи йынхауа ателефон номерква шаъу.
Согъвым абзазагIвчви асасчви 995–02–07 йгьи 935–30–71 номерквала телефон йас йауаштI, Очамчыра – 925–10–09, Ткъварчал – 925–10–03, Гала – 925–10–07, Гагра – 925–10–05, Гвдауыта – 925–10–02, Агвдзера – 925–10–04 номерквала.
Щарда йнамихуата Согъвым апны йазакIу аномер 0303 уас йауата йырчпуштI, йазакIу аномер ареспублика шабгу апны йынхауата йырчпарнысгьи йащтапI.
войти или зарегистрироваться.