Ансамбль ррепертуар йалапІ апсуа уысагІвчви амакъымгІаныршагІвчви рашваква. Асквш 1968 агІан агвып гастроль рымата ГДР (Германия Демократ Республика – аредакция ррытаразра) йаъан. Ансамбль акъраль а 18 къалакІ рпны йгІахъвмартІ, ауи акІвымкІвагьи Карл-Маркс-Штадт къала апны Маркс Карл дангІадрийыз амш йазынархаз концерт арттІ.

Асквшква цун, агвып йрылаз аршІыйагІвчва тшырпсахуан, ауаса ауи ауагІа бзи йшырбуз йгІанхун. АуагІа «Апсны-67» ВИА йазрыму абзибара йащату ауат йырхІвауа ашваква ъанардзу, майрата йъаухІвауа, йгІарныцІуа ъагІаугвынгІвуа, даргьи агвы йъагІатыцІуа акІвпІ. УахьчІвала «Апсны-67» ансамбль йалапІ амакъымршІыйагІвчва Сагариа Нодар, Гагулиа Рафаил, Бебиа Геннадий, Криа Аркадий йгьи Гвымба Людмила. Агвып ррепертуар ашва 100 райхІа йнадзитІ. Ауат йрыуата 30 асквш 2007 агІан йгІацІцІыз «Ахьапщ азкІкІра. Апсны-67» зхьзу ансамбль йапхъахуз ральбом йаншвалтІ. Агвып уахьчІвагьи Апсны апны йаъаркІвапІ.

«Апсны-67» ВИА апны йынхаз амакъымршІыйагІвчва:

АгІвдза Ардащыл (ашвахІвара),

Бебиа Геннадий,

Гагулиа Рафаил,

Гериа Юрий (бас),

Гвымба Людмила (ашвахІвара),

Дбар Светлана (ашвахІвара),

Какиашвили Щалва (удынла йызсуа аъамапсымаква),

Киракозов Сергей (акІвыршагІвы),

Криа Аркадий (ашвахІвара),

Лысенко Валентин (тромбон),

Мацкелашвили Ильйа (ашвахІвара),

Митичян Роберт (макъымршІыйарала аунашвахъцІагІв),

Сагариа Нодар (аунашвахъцІагІв),

Чубенидзе Важьа (гитара).