Лента событий ВААК
АААК гIвапхьартакI рпны эко-тренинг акIвнаршатI
Арыпхьарали жвлара джьгаррали згIвадарахчарали АААК ахъвшара арыпхьагIв ахIба, экологияли апсауышвхIаква рморфологияли АГУ акафедра аметодист Цыбулевская Майя далата апхьагIвчва рыхъазла псабарахчарала атшыбжьараква акIвнаршауаркIвитI. Йызкьазууыз айчважвара адыргалтI Ткъварчал къала йапхъахауа аквтанай апхьарти Баслахв кыти рпны.
Цыбулевская Майя асабиква экология ззырхIвауа, апсабара хчара шатахъу, ауи абайараква сакъта йшгIаурысабапуаш, агIвычIвгIвыс дгIакIвзыршауа апсабара дшазаъу, зымгIвагьи йацхIчIву хIтдзы – Адгьыл гIахIхчара ахIатырла йчпара атахъу ралхIвтI.
АпхьагIвчва айчважвара джьгарта йгIалалуан, ргвгIанаграква рхIвун. АхIауа арпIайра, ахъшвалква рыдынхалра, ашта удзышваква рыдзра, апестицидкви ахимия адгьылрбзигакви гIарысабапра – Апсны акъалакви акыткви рпны узынйауа проблема щарда гIащтIырхтI айчважвара апны.
