Лента событий ВААК
АААК «Ирӡтәым» проект йауата ужвыгьи лекциякI акIвнаршатI
Адуней апсуа-абаза конгресси АГУ апны апсуа бызшва акафедра арыпхьагIв Джугелиа Инни «Ирӡтәым» проект дырхъйауаркIвитI. Апроект мурадта йамапI хвы ззыбачIву акъазщаква рыргIапсра рыбагъьара, апсуаква ркультура, ртурых, ргвбайара бзазара йырзынарху чкIвыныргIа рдырраква йрылархIара. Йызкьазууыз алекция Апсны къральыгIва университет апедагогика хъвшара йгIвбахауа акурс астудентква йырзадыргалтI. Айчважвара КIавкIаз ауагIахъаква ргIахIвраква йырзынархан.
Ауи акIвлыршатI аисториия наукаква ркандидат, АбИГИ этнологияла ахъвшара анаука нхагIвы Гвымба Асида. Ауи астудентква КIавкIаз ауагIахъаква ргIахIвыщаква шгIаншаз, ауат рылкIгIараква дгIарыквчважватI, азаман цапхьадза ауат штшырпсахуаз, ауат апсахраква гIазлыцIуаз ралхIвтI.
«Ирӡтәым» – Адуней апсуа-абаза конгресси АГУ апны апсуа бызшва акафедра арыпхьагIв Джугелиа Инни йацыта йдырхъйауа проектпI. Ауи апсуара ацIасква ауагIа йрылагара, Абаза уагIа рцIаскви рхабзакви гIащаквыргылхра йырзынархапI.
