Лента событий ВААК
СогIвым апны апсуа уагIахъа хъвмарщаквала а-Федерация йхпахуз аконференция акIвшатI
Адуней апсуа-абаза конгресс СогIвым йаъу ауысхарта апны апсуа уагIахъа хъвмарщаквала а-Федерация йхпахуз аконференция акIвшатI. Анйара йалан а-Конгресс анхагIвчва, а-Федерация апрезидент Гвынба Адгвыр йгьи «Аимцакьачара» йасуа агвыпква рбжьагIвчва.
Уыс хъадата йызлапшыз ауагIахъа хъвмарщаква штшауацIддрыхуаш йгьи йшнадрыскIьуш акIвпI. Ауи апшта апсуаква йырцIасу ахъвмарраква «Акьыброу» (лабаларыс йашIырпшу апсуа хъвмарща – аредакция ррытаразга), «Амба» (лахъгIва йашIырпшыпI – аредакция ррытаразга) йгьи «Ахылпахас» (апсышвала – «ахъылпа гIакIра» – аредакция ррытаразга) ауагIа йшрыларгуш йалачважватI. Ауи акIвымкIвагьи анйара йалакваз йхIпыру «Аимцакьачарала» ачемпионат шадыргалуаш йаквчважватI.
ЙхътIу напIщтIыхрала а-Федерация аустав йаларцIаз апсахраква дрыбагъьатI – аунашвачпагIвчва хвысквша рпны зны напIщтIыхрала йалырхлуштI.
Апсуа уагIахъа хъвмарщаквала а-Федерация асквш 2024 агIан йгIандыршатI. Ауи ъагIандыршуз аконференция.
