Лента событий ВААК
Аҟәа имҩаҧысит Аҧсуа милаҭтә хәмаррақәа рзы Афедерациа ахҧатәи аконференциа
Адунеизегьтәи аҧсуа-абаза конгресс Аҟәатәи аофис аҿы имҩаҧысит Аҧсуа милаҭтә хәмаррақәа рзы Афедерациа ахҧатәи аконференциа. Аусуратә еиҧылара рхы аладырхәит Аконгресс аусзуҩцәа, Афедерациа ахада Адгәыр Гәынба, «Аимҵакьачара» азы агәыҧқәа разыҟаҵаҩцәа.
Амшхәаҧштә тема хадақәаны иҟалеит амилаҭтә спорт хкқәа рымҽхак арҭбаареи раларҵәареи. Хәҭакахьала, иалацәажәон «Акьыброу», «Амба», «Ахылҧахарс» реиҧш иҟоу амилаҭтә хәмаррақәа рӡыргара. Иара убас, алахәылацәа инарҵауланы иалацәажәеит «Аимцакьачара» азы имҩаҧысраны иҟоу ачемпионат аиҿкаара азҵаарақәа.
Иаарту бжьыҭарала ишьақәдырӷәӷәеит Афедерациа аҧҟаҧҵәа иалагалоу аҧсахрақәа – анапхгара 5-шықәса рахь знык бжьыҭарала иалырхлоит.
Аҧсуа милаҭтә хәмаррақәа рзы афедерациа аҧҵан 2024 шықәсазы. Раҧхьатәи ахацыркратә конференциаҟны аҧшьгаратә гәыҧ далырхит ахада, ишьақәдырӷәӷәеит аиҿкаара аҧҟаҧҵәа. Аҩбатәи аконференциа азкын аҩныҵҟатәи аструктура ашьақәыргылареи амаҵураҭыҧқәа реихшареи.
