Лента событий ВААК
АААК Цандрыпщ кыт апны шIыпIа хъвшара гIахънатIытI.
АААК агвып йызкьазуу, 55-хауа ашIыпIа хъвшара Гагра район йаланакIуа Цандрыпщ кыт апны йгIахъыртIытI.
АААК ауысхарта шIыц даунашвахъцIагIвхатI Реквава Эсма. Датшагьи ауи йалалтI Аджьба Владислав, Халваш Анжела, Аджьба Милана йгьи Цвинариа Георгий.
АААК Цандрыпщ кыт апны ъачIвагIагIалхрала атшыбжьара акIвнаршатI.
АААК арыпхьарали жвлара джьгаррали згIвадарахчарали ахъвшара (АААК ОСАЗ) ашIыпIа хъвшараква рыцынхара апкъ йтата ъачIвагIагIалхрала йызкьазууыз атшыбжьара Гагра район йаланакIуа Цандрыпщ кыт аквтанай апхьарта апны йакIвнаршатI. ЙгIадрайгваз аъачIвагIагIвчва – апрограммист Малиа Азамати Sputnik Апсны хабарргарта агентства йгIацIызщтуа аредактор Лушба Арди, АААК ОСАЗ аунашвахъцIагIв Хагба Изольди ахъвшара аъачIвагIагIв Хьышба Науыри рыцта, апхьагIвчва атехника ъачIвагIаква йырмагIну гIаргвындыргIвытI, Апсны апны ауат аъачIвагIаква йъарзырбжьауа аколледжква йгIарыквчважвауа авидеороликгьи йадырпшытI.
