Лента событий ВААК
АААК апресс-квта апны Апсны ашIара рыжвлара уысхагIвчва йрынйатI.
ЧкIвыныргIа ртшауацIыхрали физкультурали АААК ахъвшара Апсны апны йаъу чкIвыныргIа рыжвлара адкIылараква руысхагIвчва йызкьазууыз рынйара аднагалтI. Анйара йалан культурала а-Министерства, репатриацияла АкъаральыгIва комитет, чкIвыныргIи спорти руысквала АкъральыгIва комитет, чкIвыныргIи спорти руысквала СогIвым къала АунашвахъцIарта ахъвшара, Россотрудничество Апсны апны ауысхарта, Апсны ашIара радкIылара «Апеипш», «Апсны АуачIвымш» Социал платформа, «Абанпара шIыц» жвлара адкIылара, «Апсны агвардия шIа» жвлара адкIылара руысхагIвчва.
Анйара йалакваз аршIыйара йгьи асоциал проектква руысла рхъвыцраква гIархIватI, ацынхарала ахачIвква йрыквчважватI.
Адуней апсуа-абаза конгресс анхагIвчва ашIара рджьгарра йалархIара ауыс апны чкIвыныргIа радкIылараква рабадырри ращтаныкъвара пшдзи мгIан ду шрыму гIалыркIгIатI.
Йапхъахауа медицина цхърагIарала атшыбжьара акIвшатI Моква кыт апны.
АААК агвып Апсны акытква рапхьагIвчва рыхъазла йапхъахауа медицина цхърагIарала атшыбжьараква акIвнаршауаркIвитI. Йызкьазууыз атренинг адыргалтI Моква кыт апны. ЙгIадрайгваз МЧС аъачIвагIагIв Амычба Индира апхьагIвчва агIвычIвгIвыс данмахра, закIы данабылра, закI ангIайыцхIара, йыбыгIв аншIчIвара, йща ангIаджвыквылра айъазагIв дъадзагIамис йапхъахауа цхърагIара шйурадзуш ралхIвтI, агвы тамамта йшучытIуш йазылбжьатI.
АААК Тхьына кыт апны йапхъахауа медицина цхърагIарала атшыбжьара акIвнаршатI
Арыпхьарали жвлара джьгаррали згIвадарахчарали АААК ахъвшара Тхьына кыт апхьагIвчва рыхъазла йапхъахауа медицина цхърагIарала атшыбжьара аднагалтI. ЙгIадрайгваз МЧС аъачIвагIагIв Амычба Индира йапшым апхастаква рагIан агIвычIвгIвыс ушицхърагIуш даквчважватI. АпхьагIвчвагьи дара йырдыруа рхIватI, агвы тамамта йшучытIуш, ахвыртакви ашIчIвартакви шшIаухIвуш тшазырбжьатI.