Лента событий ВААК
АААК ауысхарта апны уатыкв айчважвара акIвдыршатI
Апрезидент грантква р-Фонд йызцнакIыз «НКО алахIарта тып: Апсны» проект апкъ йтата хъахIара гIагра мурад змам «Асоциал гIаджвыквцIараква рыжвлара квта» автоном адкIылари «Адуней апсуа-абаза конгресс» жвлара адкIылари «ХъахIара гIагра мурад змам адкIыларакви чкIвыныргIа ргIаджвыквцIаракви йрыцкIра ауыс» йазынархата уатыкв айчважвара акIвдыршатI.
Ауаъа йрыквчважватI:
• акъральгIв гIаджвыквцIараква йырзырхIара йгьи йрыцкIра йазынарху анкъвакъвраква (апрезидент грантква р-Фонд, Росмолодежь агьиква йакIвдыршауа)
• агрант анкъвакъвраква урылалра ахъазла ашвъаква шадугалуаш йгьи йшаутуаш
• ашвъаква рырхъвыхра шакIвшауа.
Ауатыкв айчважвара йалаз зымгIва джьгарта ргвгIанаграква гIархIвун. ЙалкIгIата йызквчважвуз сабап злу акейскви ауыс адгылщи ракIвын.
АААК агвып Шамба Тарас йчвахъабага син хIврапшдза азыщтIарцIатI
А-Конгресс агвып ажвлара йгьи аполитика уыснкъвгагIв, АААК пIатIу зкву апрезидент Шамба Тарас йчвахъабага син хIврапшдза ъазыщтIарцIуз йалан. Шамба Тарас сквш 25 райхIа апсуа-абаза уагIахъа р-Дуней адкIылара унашва ахъицIун, адуней шабгу апны адиаспора адкIылра къару ду алайцIатI. УахьчIва ауи сквш 87 йхъыцIуашын.
