Лента событий ВААК
АААК аофис аҿы имҩаҧыргеит астол гьежь.
Атәыла ахада игрантқәа рфонд ацхыраара зауз апроект «Икоммерциатәым аиҿкаарақәа рызҳарҭа: Аҧсны» аҳәаақәа ирҭагӡаны, Иавтономтәу икоммерциатәым аиҿкаара «Асоциалтә ҧшьгамҭақәа руаажәларратә центри» Ауаажәларратә еиҿкаара «Адунеизегьтәи аҧсуа-абаза конгресси» рыцхыраарала имҩаҧысит «Икоммерциатәым аиҿкаарақәеи аҿартә ҧшьгамҭақәеи рыдгылара» ҳәа хьӡыс измаз астол гьежь.
Астол гьежь аҿы иалацәажәон:
• ауаажәларратә ҧшьгамҭақәа рыҿиареи рыдгылареи ирзынархоу аицлабрақәа (атәыла Ахада игрантқәа рфонд, Росмолодежь уҳәа)
• Агранттә еицлабрақәа рахь азыҳәанҵа азырхиашьеи алаҵашьеи
• Азыҳәанҵақәа ргәаҭара шымҩаҧысуа.
Астол гьежь еиҿкаан зых иақәиҭыз аицәажәаратә формат ала. Еиҳараӡакгьы ирзааҭгылеит ауадаҩра цәырызго азҵаарақәеи урҭ рыӡбашьеи.
АААК агәыҧ ашәҭшьыҵәрақәа шьҭарҵеит Тарас Шамба ибаҟа амҵан
АААК агәыҧ ахы аланархәит ауаажәларра-политикатә усзуҩы, ҳаҭыр зқәу АААК апрезидент Тарас Шамба ибаҟа амҵан ашәҭшьыҵәрақәа рышьҭаҵара ацеремониа. Тарас Шамба 25 шықәса инареиҳаны хадара азиуан аҧсуа-абаза жәлар Адунеизегьтәи акогресс, иџьабаа дууп адунеи иалаҧсоу аҧсуа-абаза диаспора аидкылараҿы. Иахьа иҧсы ҭазар 87 шықәса ихыҵуан.
