Лента событий ВААК
АААК Гагра, Гвдауыта, СогIвым районква рапхьартаква тшыбжьага кIарт рыланашатI
СынчIва Адуней апсуа-абаза конгресс Апсны апхьартаква рыхъаз арыпхьара нархара зму проект джвыквнажьтI. Апроект апкъ йтата асабиква рцри бызшвала ажваква ддырдырырныс, апсуара ацIасква, ауагIа рквта штшукIуаш тшырзырбжьарныс йырцхърагIуш асурат пшдзакви атексткви зну акIартква рызлырхтI. Апроект гIалазгаз АГУ апны апсуа бызшва акафедра арыпхьагIв Джьугелиа Инна лакIвпI, апроект архъйара унашва ахъылцIитI чкIвыныргIи физкультури тшауацIдрыхрала АААК ахъвшара аъачIвагIагIв Квициниа Есма.
Апхьара сквшы аламгаскIва АААК агвып акIарт абаркIыраква арайонква рпны арыпхьарала аунашвахъцIартаква йрырттI, ауат апхьартаква йырхъаршахуаштI. АцхърагIагаква Гагра, Гвдауыта, СогIвым районква рапхьагIвчва йрадзахьатI. Уыжвласыла акIартква Ткъварчал, Гал, Очамчыра районквагьи йырзыргуштI.
