Лента событий ВААК
АААК пычIв айсра тшазыбжьарала апроект нанардзитI
А-Конгресс агвып апхьара асквш шIыц апны НВП-ла апроект джвыквнацIахтI. Ари азын атшыбжьара йалазларныс йгIадрайгватI айсра-спорт хъвмарраквала СогIвым йалакIу акоманда. АчкIвынчва «Апсуа хысырта клуб» йаъан, ауаъа абджьар тамамта йшгIаурысабапуаш гIарархIвтI.
АбжьагIвы дрыцта ахысра тшаназырбжьуз апхьагIвчва тамамта ушгылуаш, ушкIылпшуаш, абджьар шукIуаш гIаргвындыргIвытI. Атеория апхьараква йанрылга амастер-класс йалакваз ахысра джвыквырцIатI. ЙгIалкIгIара атахъыпI ари азын атшыбжьара йалакваз ауыс бзита йшазыхIазырхьу гIарпхьадзауата апроект апны йапхъахауата ачкIвынчва аснайпер швокь «Сайга»-ла йхысырныс йшадрыхвитыз.
Ауи акIвымкIвагьи акоманда анкъвакъвраква тшрызнарыхIазырра ахъазла АААК анхагIвчва ауат пневматика швокь согIата йрырттI.
