Россия Федерация агIвымакъраль уысквала а-Министерства апны АААК ЙхIаракIу асовет аунашвачпагIв Эгьзакь Мусси РФ агIвымакъраль уысквала аминистр йтарагылыгIв Руденко Андрейи ранйара акIвшатI.
АААК апресс-къвырльыкъвхарта
АААК апресс-къвырльыкъвхарта хабар шаргауала, Адуней апсуа-абаза конгресс ЙхIаракIу асовет аунашвачпагIв Эгьзакь Мусса апщаша, декабрь а 19 атшын, Россия агIвымакъраль уысквала аминистр йтарагылыгIв Руденко Андрей дйынйатI.
Россия Федерация агIвымакъраль уысквала а-Министерства апны йакIвшаз анйара апны а-Конгресс Апсны Республика апны анхари агIвыма къральква рпны уыста йакIвнаршарныс йылнахуи йрыквчважватI.
Анйара йалакваз йалкIгIу гватра азынадырхатI а-Конгресс адуней шабгула апсуакви абазакви ъабзазауа акъральква рпны йакIвнаршауа анхара йгьи а-Конгресс ашта хъвшараква ъагIандыршауа апны АААК аунашвахъцIагIвчви Россия Федерация адипломат уысхагIвчви рацынхара.
ЙгIашвгвалахIыршвахпI хIызту асквш декабрь мыз ауацIа АААК ЙхIаракIу асовет аунашвачпагIв Эгьзакь Мусса йыргылыз ахачIвы рхъйахауата а-Конгресс йашта хъвшарата пщба шгIахъыртIыз – Великобритания, Нидерланды, Бельгия, Германия рпны. Йара ауи агIамта Гааги Брюссельи рпны а-Конгресс анхагIвчва ауат акъральква рпны Россия адипломат уысхагIвчва йрынйатI.
АААКи РФ а-МИДи рунашвачпагIвчва ранйараква России Апсни йрызбжьу айгвара, гвлачва бзита ращтаныкъвара, атурых аурала йщаквгылыз, абагвынгIври азхъацIари зыщату ауагIахъаква разазаъаща гIапхьадзахауата агIвхъатакIгьи разыгIальаматра злу ауысквала «асахIатква анаквдырпшлауа» цIас бзихатI.
Адуней апсуа-абаза конгресси Россия агIвымакъраль уысквала а-Министерстви райкьангьашра ацынхара щатата йырзалитI Россия Федерации Апсны Республики райгвара, ращтаныкъвара, рацацхърагIара уысквала асквш 2008 сентябрь а 17 агIан мачвы зцIарцIаз АнгIалра.
швталра йа тшаншвцIара атахъыпI.