Трыкв
Трыквшта апны апсуа культура квтаква р-Федерация й-VI-хауа асъезд акIвшатI. Ауи нархарата йаман а-Федерация аунашвачпагIви ауи аунашвахъцIарта йалаквуи ралхра.
АААК архъйагIв секретарь Гицба Инар нхара уысла Трыкв Республика даъан, ауаъа уыста йырхъйаз даквчважватI.
АААК Трыкв Республика акъалакви арайонкви рпны а-Конгресс ашIыпIа хъвшараква рсоветква гIахънатIуаштI.
Трыквшта йауу апсуа пхIвыспа Трапщ Эдже 11 сквша цIитIта лыжвла ъану лпсадгьыл апны дбзазитI, лцри кыт апны джитIта хвы зму археология пкъыгIваква гIалауитI, апсуа апхьахьаква адуней конгрессква йрылазларныс дырцхърагIитI.
Трыквшта Акпынар кыт апны абаза бызшвала апхын арыпхьара акIвшитI, апхьара тшадыркIылтI уагIа 70-гIв райхIа.
Трыквшта апны апсыуа, абаза кытква рбзазагIвчва акъалаква рахьыла йайтыпахуамцара рыжвлара акъару йалдзгIазтынгьи уахьчIва рбзазара апны уыла йгIащтIнахитI апхъанчIви цIас щарда шгIархчаз.
Апсыуа бызшва ууырдыр йшауаш йгIаквчважвауата АААК ахабарргарта портал йгIаквнацIауа йащтагIайуа агIвыра Босфор университет апны апсышва йшадрыпхьауи Трыквшта ауагIахъа квтаква рпны апхьараква шакIвшауи гIанахIвитI.
Трыкв Республика апны апсуа-абаза диаспора руысхагIвчва хIадагIвачата йгIараутI апсыуа щайдза зму тгIачва 300. Ауат рунашва апхъала зджьарагьи йгьаъамызтI.
АААК ЙхIаракIу асовет йалакву Астомбыль апны йанйан а-Конгресс анхара агIарбараква йрыквчважватI йгьи асквш 2019 ацIыхъвадза анхара рыцIа йхъаду анархартаква гIадрыбергьыльтI.
Трыквшта апны Апсны акIьыкIвара нхауищтара йцIауа асквш 25 руацIа псахрата йгIаншаз, баргвырата йзынйуз, проектта йлырхуаз йгьи абзазара йаларыжьуаз йрыквчважватI йапшым асквшква рагIан тшызпсахуамцара акIьыкIвара аунашвачпагIв йъанатIа нкъвызгуз ауысхагIвчва.