Адунеизегьтәи
аԥсуа-абаза
конгресс

Ҭырқәтәыла имҩаԥысит Аԥсуа культуратә хеилакқәа рфедерациа VI-тәи аизараду, афедерациа ахантәаҩи анапхгара алахәцәеи ралхра иазкны.

АААК ауснагӡаратә маӡаныҟәгаҩ Инар Гыцба Ҭырқәтәылатәи Ареспублика иаҭаара аихшьалақәа ҟаиҵеит.

Ҭырқәтәыла араионқәеи ақалақьқәеи рҿы иаартхоит АААК аҭыԥантәи аҟәша ахеилакқәа

11 шықәса ҵуеит Ҭырқәтәыла ииз аԥсуа ҭыԥҳа, археолог Еџье Ҭраԥшьԥҳа лҭоурыхтә ԥсадгьыл ахь нхара ҳәа дааижьҭеи. Лқыҭа гәакьаҿы имҩаԥылгоит археологиатә ԥшаарақәа, иара убасгьы ацхыраара ду ҟалҵоит аԥсуа ҵарауаа жәларбжьаратәи аконгрессқәа рҿы рҿахәы рҳәартә иҟаларц.

Ҭырқәтәылатәи ақыҭа Ақԥынар еиҿкаауп абаза бызшәа аҵаразы аԥхынтәи акурсқәа, иахьазы урҭ иаҭаауеит 70-ҩык инареиҳаны ауааԥсыра.

Ақыҭақәа аныжьны ақалақьахь нхара аиасра зехьынџьареиԥш Ҭырқәтәылагьы ишуԥылогьы, зегь акоуп аратәи аԥсуа қыҭақәа иахьанӡагьы атрадициатә ҟазшьа шрымоу еиқәырхоуп, амилаҭтә цәаҩагьы рхуп.

Аԥсуа бызшәа аҵаразы иҟоу алшарақәа ирызку астатиақәа рцикл иацҵо, АААК аинфопортал иазнархиеит Босфортәи ауниверситети Ҭырқәтәыла иҟоу амилаҭтә центрқәеи рҟны аԥсуа бызшәа шыддырҵо азы астатиа.

Ҭырқәтәыла иҟоу аԥсуа-абаза диаспора активистцәа рыбзоурала аԥсуа хылҵшьҭра змоу 300 ҭаацәара Аԥсуафед акультуратә центрқәа ирылаҵоуп.

АААК Иреиҳаӡоу ахеилак алахәцәа Сҭамԥыл еиқәшәан Аконгресс шықәсыктәи аусура аихшьалақәа ҟарҵеит, иара убас 2019-тәи ашықәс нҵәаанӡа реиҳа хра злоу аусмҩаԥгатәқәа алыркааит.

Ҭырқәтәыла иҟоу Аԥсны Ахаҭарнакра 25 шықәса рыҩныҵҟала изнысыз амҩеи, аусураҟны ицәырҵуаз ауадаҩрақәеи, имҩаԥнагахьоу апроектқәеи, ԥхьаҟатәи ахықәкқәеи ртәы еиҭарҳәоит еиуеиԥшым ашықәсқәа раан Ахаҭарнакра аиҳабацәас иҟаз.