Лента событий ВААК
Йбзу ауыс. Жьийра
Айха адынхалра – йапхъанчIвийдзу азъазараква йрыуапI. Апсуаква рыхъазла ажьира анхагакви антахьгьыт апкъыгIвакви ъарчпуз йгьахъазгIваца рчIаджьыртамызтI. Апхъазаман йгIашIарышвта ауи ныхIвартата йрыман, ажьиква ажвлара рпны йалкIгIата хвы рыман, ражва алсуан. УахьчIвала ажьира аъачIвагIи атурых тынхи йырхчартата йалыркIвитI. Апсил айсыгIв йыкъама шпаъаз, НартыргIа рэпос апны айха ауи аъара йзаквчважвауайа, ажьийра уыжвгIанчIви чкIвыныргIа злахънакъьалуа ачIвыйа – швапшы «Йбзу ауыс» йызкьазуу агIатра.
Рыжвла ъану рпсадгьыл ужвыгьи йддырдырыркIвитI.
ЙгIвбахуз амдара мшы Трыквшта йауу апсуа диаспора ргвып акъала-фыр Гвдауыта йцатI, Апсны апшдзара хъада – Рица гвалгьи рбатI. Агвып йрылу ащардагIв рыжвла ъану рпсадгьыл апшдзаракви ашIыпIа джьащахъвакви йапхъахауата йырбун.
Гвдауыта апны акоманда Апсны йгIайхта, згвы азшIытрала айсра йпшцIалта ауи йаладзыз ачкIвынчва рнышвынтараква йрызцатI. Ауаъа йанцуз ауат йрыцын ЧIлоу йауу ахъвмарыгIвчва.
Трыквшта ркоманда Афон ШIыц йаъан.
«Аимцакьачара» хъвмаррала анкъвакъвра аналга амщтахь Трыквшта йауу апсуа диаспора ргвып амдарала йырчвыз программа рызпшуан. АчкIвынчва мшкIы шабгаз Афон ШIыц йаъан, ахIатшпы йталтI, Ивера абыхъв йхъалтI.
АмгIва аурала ауат апсуа ашваква рхIвун, йгIахIвуан. Агвып йгIарыцылтI Афон ШIыц аимцакьачарасыгIвчвагьи. Ауат дара ркоманда ахьызла асасчва согIата уасчвахъылпи къами рырттI.
«Аимҵакьачара» – ацзакIыра уаззырцауа амгIва
Апсны апны йапхъахауата «Аимҵакьачара» апсуа уагIахъа хъвмарщала дуней анкъвакъвра акIвшатI. https://abaza.org/abq/1183
АсогIа йазабакIуата: анкъвакъвраква йгIвбахуз рымш йауата рахIа йпшдзаз алахъвгIахъасраква
«Аимҵакьачара» апсуа уагIахъа хъвмарщала анкъвакъвра йапхъахауа амш.
«Аимҵакьачара» апсуа уагIахъа хъвмарщала адуней анкъвакъвра джвыквылтI Апсны апны
Апсны апны йапхъахауата йакIвшитI «Аимҵакьачара» апсуа уагIахъа хъвмарщала адуней анкъвакъвра. Ауи адыргалтI Адуней апсуа-абаза конгресс, репатриацияла АкъральыгIва комитет, чкIвыныргIи спорти руысквала АкъральыгIва комитет, СогIвым къала администрация чкIвыныргIи спорти руысквала аунашвахъцIарта.
ХIкъраль йауу 8 гвыпкIи Трыкв республика йауу апсуа гвыпи апхъагылара йазабакIуаштI. Анкъвакъвра йапхъахуз амш Артшхъвара апарк апны айсра йаладзкваз рчвахъабага хIврапшдза азыщтIацIарала йалагатI. Анкъвакъвра ангIахъыртIуаз йгIачважватI СогIвым къала администрация ахъада йтарагылыгIв Сурманидзе Автандил, репатриацияла АкъральыгIва комитет аунашвачпагIв Харазиа Вадим, чкIвыныргIи спорти руысквала АкъральыгIва комитет аунашвачпагIв Хагба Таращ, СогIвым апны АААК ауысхарта аунашвахъцIагIв Реквава Темур, Трыквшта акыт Балбалы (Калдахуара) ахъада Пачкориа Ерджаи.
Анкъвакъвра сентябрь а 6-дза йнайуаштI. Ауи йапшырныс, агвыпква йрыцызкIныс зтахъу зымгIвагьи СогIвым, «Динамо» стадион апны швхIрайгвитI! Ауаъа хвитта уталитI.
Трыквшта цара йгIаквчважвауа афильм
«Апсуа уагIахъа хъвмарщаква» проект архъйара йахъвыкIта йалтI Трыквшта апны июнь а 28 йгIашIарышвта июль а 11-дза атшыбжьараква акIвыршара. Трыквшта йцатI чкIвыныргIи физкультури тшауацIдрыхрала АААК ахъвшара аунашвахъцIагIв Барзениа Валерий, апсуа хъвмарщаквала аметодист, Апсны арадиуа адиректор Гвымба Адгвыр, арежиссер Логуа Дауыт. Акъраль ауацIа адгалра уысква рагвныргIвра дацхърагIатI Трыкв Республика апны ХъвдаквцIара зму Апсны Ауысхарта аполитика уысквала акьангьашыгIв Лазба Джансыхв.
ХIгвып «Аимҵакьачара» апсуа уагIахъа хъвмаррала амастер-классква апсуа диаспора ъабзазауа Сакарйа шта апны йакIвдыршатI. Атшыбжьараква йанрылга 15-18 сквша йырту 15-гIв чкIвынчва алата команда азыркIкIытI. https://abaza.org/abq/1179
Эгьзакь Мусса Трыквшта айгварала ащтаныкъварала Ажвлара дапрезидентхатI.
«Алашара» Дуней адкIылара апрезидент, Адуней апсуа-абаза конгресс ЙхIаракIу асовет аунашвачпагIв, КъЧР АуагIа Райззара аунашвахъцIагIв йтарагылыгIв Эгьзакь Мусса ХIабальа йпа Трыквшта айгварала ащтаныкъварала Ажвлара дапрезидентхатI. https://abaza.org/abq/1178
