Лента событий ВААК
АААК Хуап кыт апны медицина цхърагIарала атшыбжьараква акIвнаршатI
АААК апроект шIыц апкъ йтата МЧС аъачIвагIагIв АмычIба Индира далата АмкIваб В.П. йыхьыз зхъу Хуап кыт аквтанай апхьарта апны медицина цхърагIарала йызкьазууыз атшыбжьараква акIвшатI. Атренинг амщтахь апхьагIвчва АААК апроект «Амазара» йаланакIуата апсуа бызшвала йхъырхыз амультфильми афильмкви ддырбатI.
Йапхъахауа амедицина цхърагIара шдурадзушла атшыбжьараква Хагба Изольда унашва зхъылцIауа арыпхьарала, жвлара джьгаррала йгьи згIвадарахчарала АААК ахъвшара йакIвнаршитI. Атренингква Апсны акытква рпны ашIыпIа хъвшараква рыцынхара апкъ йтата йадыргалитI.
ЪачIвагIа гIалхрала АААК апроект шIыц Калдахвара кыт аинтернат апны апхьагIвчва рбжьауата йджвыквырцIатI
Арыпхьарала, жвлара джьгаррала йгьи згIвадарахчарала (ОСАЗ) АААК ахъвшара ашIыпIа уысхартаква рыцынхара апкъ йтата акласс ахIбаква рапхьагIвчва ъачIвагIа гIалхрала цхърагIара драдзара нархарата йызму проект шIыц джвыквнацIатI. Апроект дырхъйауата йапхъахауата йъацаз Гвдауыта район йаланакIуа Калдахвара кыт акIвпI.
СогIвым акъральыгIва колледж апны ауыхвара ъачIвагIаквала йазрыпхьауа Барцыц Алиса, ОСАЗ аунашвахъцIагIв Хагба Изольда йгьи ахъвшара аъачIвагIагIв Хьышба Наур акласс ахIбаква рапхьагIвчва йрачважватI, Апсны аквтанай ъачIвагIагIацIгарта апхьартаква рпны техника дыррата йуау йауаш йгIаквчважвауа ароликква ддырбатI.
