Лента событий ВААК
АААК «Аимадара» проект апкъ йтата амдара аднагалтI.
Асабиква шIыцракI ддырдыруата штшпсырщуш йазынарху «Аимадара» проект архъйауата Адуней апсуа-абаза конгресс КвтIол кыт апхьарти Афон ШIыц Арыпхьарта квта «Абипари» рапхьагIвчва гIамдара мшы рзаднагалтI.
Асабиква Мгвыдзырхва кыт йаъу аэтнопарк, Афон ШIыц ахIатшпы йцатI, Анакъвапиа абагъьатагьи йхъалтI. Анакъвапиа абагъьата атурых джьащахъва амдара йалаз зымгIва йралхIвтI Афон ШIыц апны йгIаныршу АААК ашIыпIа хъвшара йалу, «Абипара» Арыпхьарта квта аунашвачпагIв Чычба Лия.
КвтIол апхьарти «Абипара» Арыпхьарта квти рквтанай классква йрапхьагIвчвата амдара 30-гIв райхIа алан.
АААК Джьгьарда кыт апны асабиква рыхъазла ларпшра аднагалтI.
Асабиква рхчара а-Дуней мшы йазынархата Джьгьарда кыт апны асабиква гвыргъьахъв ларпшра рзаднагалтI Адуней апсуа-абаза конгресс. АцIайква зыркьахвуаз апрограмма йалан аниматорквагьи ашIахъаква дзыла сурат рнызцIаквауагьи. Агвыргъьахъв аналгуз асасчва хвыцква зымгIва согIата ахъагIараква рыларшатI.
