Лента событий ВААК
Очамчыра апхьарта-интернат апны йапхъахауа медицина цхърагIарала гIвтшыбжьаракI акIвшатI
Арыпхьарали жвлара джьгаррали згIвадарахчарали АААК ахъвшара анхагIвчва Хагба Изольди Хьышба Науыри МЧС аъачIвагIагIв Амычба Индира дрыцта Басариа С.П. йыхьыз зхъу Очамчыра апхьарта-интернат апны гIвтшыбжьаракI акIвдыршатI. Ауат апхьагIвчва 70-гIв рылан. Йапхъахуз атренинг 5-6-хауа аклассква рапхьагIвчва гIадрайгватI, йгIвбахуз – акласс ахIбаква рапхьагIвчва.
Амычба Индира ауат агIвычIвгIвыс данмахра, йчважь анбылра, амара йхъа йанташра, удын анйыквшвара, йыбыгIв аншIчIвара, датша гвжвайыгIвакI даналашвара айъазагIв дъадзаным ушицхърагIуш ралхIвтI. Ауи акIвымкIвагьи ацIайква йазалху атшыбжьага кIьанджьы апны агIвычIвгIвыс псып шйураухуаш, йгвы райшата уаквымсуата йшучытIуш тшазырбжьатI.
Дзыгвта кыт апхьагIвчва айъазагIв дъадзаным агIвычIвгIвыс ушицхърагIуш йазырбжьатI
Арыпхьарали жвлара джьгаррали згIвадарахчарали АААК ахъвшара анхагIвчва Хагба Изольди Хьышба Науыри МЧС аъачIвагIагIв Амычба Индира дрыцта Дзыгвта аквтанай апхьарта апхьагIвчва рыхъазла айъазагIв дъадзаным агIвычIвгIвыс ушицхърагIушла тшыбжьара акIвдыршатI.
АпхьагIвчва агIвычIвгIвыс данмахра, йчважь анбылра, амара йхъа йанташра, удын анйыквшвара, йыбыгIв аншIчIвара, закI ангIайыцхIара зынла ушицхърагIушла апычIв дырраква раутI, агвы райшата уаквымсуата йшучытIуш, агIвычIвгIвыс псып шйураухуаш тшазырбжьатI.
