Лента событий ВААК
Апсуа-абаза уагIахъа йгIарылцIыз йбергьльу агIвычIвгIвысква йырхIвата «пхьынцIыгIва гIазшI.алыз» ажваква.
Агрба Харитон СогIвым апны АААК ауысхарта даъан
СогIвым йаъу а-Конгресс ауысхарта йбжьагIвчвагьи йыцта днашылтI абоксер, дуней класс зму спорт амастер, WBA Fedecaribe, WBA Continental, IBF European хьызква нкъвызгауа Агрба Харитон. Агрба а-Конгресс агвыпгьи АААК ЙхIаракIу асовет аунашвачпагIв Эгьзакь Мусса йхъаталагьи йъайыцынхауа, йъайыцIагылуа ахъаз дшырзыразу йхIватI. Аспортсмен АААК анхагIвчва йгIаталуа Асквш ШIыцла дгIахIайхIвахIвтI, хIаргьи абоксер спорт апны йымгIва айгIайра пшдзаквали адахIвра дуквали йшырчвызлуш хIйызхIвахIвтI.
Эгьзакь Мусса онлайн амальла АААКи «Алашари» рынхагIвчва гвыпква драбабатI
СогIвым йаъу Адуней апсуа-абаза конгресс ауысхарта апны АААК ЙхIаракIу асовет аунашвачпагIв Эгьзакь Мусси «Алашара» жвлара адкIылара йгьи Адуней апсуа-абаза конгресс рынхагIвчва гвыпкви онлайн амальла йабабатI. Анхара йазынархаз айчважвара йалан АААК ЙхIаракIу асовет аунашвачпагIв йаппарат аунашвахъцIагIв Таниа Кани хабарргарала аполитики абадыргакви унашва рхъызцIауа Тарба Тенгьызи. Анйара апны агIвадкIыларакI асквш ауацIа йшынхаз йаквчважватI. Ауи акIвымкIвагьи асквш 2024 агIан гватра рыцIа йыззыбачIву анархаракви ахачIвкви йрылачважватI. Эгьзакь Мусса йакIвшаз анхара, агвыпква рацасри разгIашыкъри хвду рыквицIатI. АААК ЙхIаракIу асовет аунашвачпагIв анхагIвчва йгIаталуа Асквш ШIыцла драйхIвахIвтI, згIвадара багъьа, баракьат рымазларныс, рпахь хачIвыта йдыргылыз зымгIва дырхъйарныс рзитахъта дрызхIвахIвтI.
