Лента событий ВААК
Лекция-амдара: КIалдахвара апхьагIвчва «Ирӡтәым» проект йгIалалтI.
АААКи АГУ апсуа бызшвала акафедра арыпхьагIв Джьугелиа Инни йацдырхъйауа апроект «Ирӡтәым» апкъ йтата йызкьазууыз алекция акIвшатI.
Ари азын алекция акIвыршаща рпсахтI. Ауи амузейква р-Дуней мшы йазынадырхан акъраль акъала хъада амузейквала амдарагьи алан.
КIалдахваа апхьарта-интернат апхьагIвчва Апсны акъральыгIва этнография музей йдырцан ауаъа амузей анхагIвы КIвыцIниа Илона экскурсия джьащахъва рзакIвлыршатI. Асабиква ркъраль атурыхи ауахьчIвамши тшрыхадыргIвазатI. Амузей СогIвым рахIа йджьащахъву атыпква йрыуазакIыпI.
Йаъан ацIайква Ардзынба Владислав йыхьыз зхъу Айсра Ртшхъвара амузейгьи. Ауаъа ауат асквшква 1992-1993 рагIан йакIвшаз Апсны ауагIа р-Абашта айсра йапшым ашIчIвараква ъагIарбу апещква йгIархъыкIвшатI.
Акъала хъада апны йсасыз апхьагIвчва руагIа ртурыхи ргвбайари гвыла йадсылтI, йырбази йыргIази лахIвара мчы гIарыларцIатI.
Цандрыпщ апны макъымршIыйарала тшыбжьара акIвшатI.
АААКи амакъымршIыйагIв Марыхвба Абзагви Багателиа Н.З. йыхьыз зхъу Цандрыпщ 2-хауа аквтанай апхьарта апхьагIвчва макъымршIыйарала тшыбжьара рзадыргалтI.
Айчважвара апхьагIвчва рахIа бзи йырбауа апсуа ашваква йырзынархан. Марыхвба аранжировка злаучпа йауаш апрограммаквагьи дрыквчважватI, музыка нархарала анхара йапщылу йдырраква асабиква йрыцагIвишатI. АцIайква йрымагIальаматта айчважвара йалалуан, йыргвапхауа ауарадква рхIвун, рысас йгватшныта йыздзыргIвуан. Амастер-класс ацIыхъва йазцауата ашвакI гIалырхын йшгвыпыз профессионал аранжировка тшаквдыршвауата йацырхIватI.
МакъымршIыйарала АААК апроект мастер-класс квпшыра амата Апсны акъалакви акыткви рпны йакIвшитI.
