Аменю
15 Июнь 2024
10:40
ТшанцIара

Адуней
апсуа-абаза
конгресс

Адуней апсыуата, абазата йыкву адхIкIылитI

Лента событий ВААК

    2 Май 2024
02.05.2024 17:56
Очамчыра, Апсны Республика

АгIапыни анхари ргвыргъьахъв: КIвтIол апны тшрыгIврала анкъвакъвра акIвшатI

КIвтIол кыт апны май а 1 атшын атшрыгIвраква рыгIамта гIахъыртIытI, агIапыни анхари ргвыргъьахъв йазынархата анкъвакъврагьи адыргалтI.https://abaza.org/abq/1159

0
02.05.2024 12:00
СогIвым, Апсны Республика

АуагIахъа хъвмарщаквала атшыбжьара акIвшатI Афон ШIыц апны

А-Конгресс агвып ауагIахъа спорт хъвмарщаквала йызкьазууыз атшыбжьара АгIвдза Б.Д. йыхьыз зхъу Афон ШIыц аквтанай апхьарта апны йакIвдыршатI. АпхьагIвчва «АимцакIьачара» ахабзаква рархIвтI, ауи анахьанат анкъвакъвраква йызларапшым гIалыркIгIатI. Ауатква ангIаргвындыргIвы ачкIвынчва гIвгвыпкIта тшагIвыршан йапхъахауата йхъвмартI.
«АимцакIьачара» уыжвгIанчIви регби йашIырпшу апсуа уагIахъа хъвмарщапI. Ахъвмарра ахабза йшгIанахIвауала, акапитанква йдучвам ауабчватоп лабала йаситIта дара ргвып ахъвмарыгIвчва йырзауырщтитI. Атоп гIазкIуа, ауи йнапIыцIызхныс йащтата йпшIагылакву тшдимыркIуа, ласыта ахъвмарырта ахъа днадзара атахъыпI.
АуагIахъа хъвмарщаквала апроект асквш 2022 йгIашIарышвта йынхитI. СынчIвагьи АААК Апсны акъалакви акыткви йгIархъыкIвшауамца амастер-классква ракIвыршара атаджвыквнацIахтI. Йагъьу агвыпква анкъвакъвра рзадыргалуаштIта айгIайыгIв дгIадрыбергьыльуаштI.

0