Лента событий ВААК
Асабиква йгвыргъьауа рлактакви йгъьазгъьазуа рылакви: АААК Ткъварчал апны асабиква гвыргъьахъв рзаднагалтI
Адуней апсуа-абаза конгресси Ростов шта йаланакIуа Каменск-Шахтинский къала йауу хъахIара гIагра мурад змам «Асоциал гIаджвыквцIараква рыжвлара квта» адкIылари РФ апрезидент грантква р-Фонд йакIвнаршауа анкъвакъвра апкъ йтата Ткъварчал къала апны саби гвыргъьахъв адыргалтI. Ауи Асабиква рхчара адуней мшы йазынархан.
Макъымла йырчвыз, аниматорква злаз ларпшра, бамби хъагIа, «швахъ хъвлапны» асабиква гьракIвымта – ауат ран-рабачвагьи швабыж йдыркьахвтI, амшгьи гвыргъьарала йдырчвытI. АцIайква йрымагIальаматдзата йгьи йазгIашыкъта анкъвакъвраква йрылалуан, ашва рхIвун, йгIахIвуан, йхъвмаруан. Агвыргъьахъв алгауата асас хвыцква зымгIва согIа хъагIа рырттI.
Агвыргъьахъв адгалра йгIалалтI «УачIвымш зпщылазлуш Апсны» жвлара мгIвайсрагьи. Ахчала йъагIахIцхърагIаз ахъаз хIырзыразпI адкIылара аунашвачпагIв Марганиа Елени ауи лтарагылыгIв Уатырба Астанди.
