Лента событий ВААК
«Гәыкала». Гвынба Адгвыр
Адуней апсуа-абаза конгресс йапшым анархараквала йынхауа агIвычIвгIвыс джьащахъваква ргIачважвараквала йалу «Гәыкала» проект акIвнаршауаркIвитI.
Йызкьазуу агIатра апны дсасыпI Апсны арадиуа адиректор, ауагIахъа хъвмарщаквала а-Федерация апрезидент Гвынба Адгвыр.
Араъа хIара Апсны арадиуа атурыхи уахьчIва йызлу ауыскви, цри бызшва ахчари ауагIахъа спорт квпшыраква гIащаквыргылхри магIныта йрыму хIрыквчважвитI.
«Абаза» спорт клуб абжьаматаква Айсандзыгви Нальчики рпны йакIвшаз анкъвакъвраква рпны асогIаква гIатыргатI
АбакIыгIвчва шIаква Арлан Нестор, Ажьи Дамир, Фет-оглы Абазг йгьи Хагба Уасман июнь а 21 Айсандзыгв апны йакIвшаз «Junior volnik» россия анкъвакъври Йазалху айсра операция йалакву ркубоки рпны йгIвбахауи йхпахауи агылартаква ркIытI.
Анкъвакъвраква Къабард-Балкъар, Къарча-Черкес, Йынгвыщшта, Чачаншта, Лагъь йгьи ГIвадахь Осетия, Къалмыхшта, Краснодар край, Москва, Ханты-Мансийск автоном округ (Сургут), Ямал-Ненец автоном округ, Армения, Апсны йгIартыцIыз спортсмен 430-гIв адыркIылтI.
Ауи акIвымкIвагьи «Абаза» клуб абжьаматаква июнь а 22 атшын Нальчик апны йакIвшаз спорт абакIрала аштаква рбжьара ЙхътIу атурниргьи йалан. Ажьи Дамири (килограмм 48) Хагба Уасмани (килограмм 41) аджьаз медальква гIатыргатI.
Аспортсменква Берайа Игори Хашба Мераби йырбжьитI.
«Нышв напIыкI» «Федерация» фестиваль йцитI
Адыгея Республика атеатр жвлара Цей И.С. йыхьыз зхъу АуагIахъа театр апны сынчIва культура гIатгарата йалуаш агIаншара гIадырбатI. https://abaza.org/abq/1258
