Лента событий ВААК
«Гәыкала». Адгәыр Гәынба
Адунеизегьтәи аҧсуа-абаза конгресс иацнаҵоит апроект «Гәыкала» – аинтерес зҵоу ауаа рыҿцәажәарақәа рыла ишьақәгылоу аинтервиуқәа рсериа.
Изаамҭанытәиу аҭыжьымҭа асас Адгәыр Гәынба – Аҧсуа радио аиҳабы, амилаҭтә хәмаррақәа рзы Афедерациа апрезидент.
Ари аинтервиу аҿы ҳрылацәажәеит аҧсуа радио аҭоурыхи ҳаамҭазтәи аҭагылазаашьеи, ахатәы бызшәа аиқәырхара аҵаки, амилаҭтә хәмаррақәа реиҭарҿиареи.
Аспорттә клуб «Абаза» ааӡаҩцәа Ессентукии Нальчили имҩаҧысуаз атурнирқәа рҿы аҧхьахәқәа ргеит
Рашәарамза 21 Ессентуки имҩаҧысыз «Junior volnik» зыхьӡыз Урыстәылазегьтәи атурнири Иҷыдоу арратә опреациа ахьчаҩцәа ирызку Ахраҿазы аицлабреи рҿы ақәҧаҩцәа ҿарацәа Нестор Арлан, Дамир Аџьиев, Абазг Феҭ-оглы, Осман Ҳагба аҩбатәи ахҧатәи аҭыҧқәа ааныркылеит.
Аицлабрақәа еидыркылеит Ҟабарда-Балкариа, Ҟарачы-Черқьесиа, Ингәыштәыла, Чечентәыла, Нхыҵи Аахыҵи Уаҧстәыла, Калмыкиа, Краснодартәи атәылаҿацә, Москва, ХМАО (Сургут), Иамало-Ненецктәи автонотә округ, Иармантәыла, Аҧсны рыҟнытә 430 инарзынаҧшуа аспортсменцәа.
Аклуб «Абаза» ааӡаҩцәа иара убасгьы рхы аладырхәит рашәарамза 22 Нальчик имҩаҧысыз, аспорттә қәҧаразы Атәылаҿацәбжьаратә Иаарту атурнир. Аџьиев Дамири (48 кг – 3 аҭ.) (Ҳагба Османи (41 кг – 3 аҭ.) аџьазтә медалқәа рыҽрыҧсартәит.
Аспортсменцәа азыҟарҵоит Игорь Бераиеи Мераб Хашбеи.12:49
«Уаҧсҵәык анышә» цоит «Федерация» зыхьӡу афестиваль ахь
И.С. Цеи ихьӡ зху Аедыгьтәыла Амилаҭтә театр аҟны еиҿкаау атеатртә хеидкыла еиҿнакааит ашықәс акультуратә цәырҵра ҳәа зыхә ршьаз ахҭыс.
