Лента событий ВААК
АААК йаланакIуа Ан-абачва рклуб апны зызгIвадара алшараква ахъарысу ауагIа зшIашвауа абаргвыраква йрыквчважватI
АААК йаланакIуа Ан-абачва рклуб алачIвара апны зызгIвадара алшараква ахъарысу саби дызму ан-абачва, асасчва, аъачIвагIагIвчва ауат йрапшу асабиква руыс йазынархаз «Ан-абачва» гIатра йаквчважватI. Айчважвара йалан: «Ашана» ГвчIагIвчпара фонд адиректор, асабиква рхвитнагIаква хчара зхъвдакву Джьынджьолиа Мактина, зызгIвадара алшараква ахъарысу саби зму Лакербая Оксани Пация Рози, «ХIара хIацыпI» ГвчIагIвчпара фонд адиректор Аджьба Милана, WV социал программа агвынзыргIвуа Басариа Рита датшагьи.
Анйара йалакваз агIатра апны йгIащтIырхыз ауысква йрыквчважватI, ан-абачва ргвы йтыхъуа азцIгIараква рджьауапква рауныс уырцхърагIа йшауаш, йапшым анархараквала аъачIвагIагIвчва ражва шддырхIвуш амальква йрызхъвыцтI. «Ан-абачва» гIатра ООН (ЮНИСЕФ) йгьи Европа АдкIылара р-Саби фонд ацхърагIарала йдрыхIазыритI.
Апсуакви абазакви руагIахъа тшдырра шгIащаквыуыжьуаш йалачважватI АААК Айкьангьашырта клуб апны
Адуней апсуа-абаза конгресс йалаквуи аэксперткви апсуакви абазакви руагIахъа тшдырра шгIащаквыуыжьуаш амальква йрылачважватI а-Конгресс апресс-квта йакIвшаз алачIвара апны.
