Лента событий ВААК
Асаби йан лыхшла дуырчарныс магIныта йаму йалачважватI АААК йаланакIуа Ан-абчва рклуб апны
Асаби айъазагIв АгIвдза Илони акушер-гинеколог Воробьева Виктории АААК йаланакIуа Ан-абачва рклуб алачIвара апны асаби йан лыхшла дуырчарныс магIныта йаму йалачважватI. Анйара ООН Асаби фонд (ЮНИСЕФ) СогIвым йаъу ауысхарта ацхърагIарала, ауи анхагIвчва Аргвын Нали Сулава Мадини алата йакIвшатI.
АААК агIвычIвгIвыс йапхъахауа цхърагIара шйурадзушла атшыбжьараква Тамыщи КвтIоли кытква рпны йакIвнаршатI.
Арыпхьарали жвлара джьгаррали згIвадарахчарали АААК ахъвшара апроект апкъ йтата МЧС аъачIвагIагIв Амычба Индира Тамыщи КвтIоли кытква рапхьартаква рапхьагIвчва рыхъазла агIвычIвгIвыс йапхъахауа цхърагIара шйурадзушла тшыбжьара акIвлыршатI.
АААК СогIвым йаъу а-Реабилитация квта йыцIакву Асквш шIыц ахъазла асогIаква рызнащтийтI
Адуней апсуа-абаза конгресс анхагIвчва зызгIвадара аъаща йгIалцIла зылшараква ахъарысу асабиква ъацIу ареспублика Реабилитация квта согIа хъагIа азыргатI. Асквш шIыц ахьызла ауат асабиква йырзалху асогIаква радгалра дацхърагIатI ахIаракьатчпагIв Къварча Абесал.