Аменю
27 Май 2024
09:00
ТшанцIара

Адуней
апсуа-абаза
конгресс

Адуней апсыуата, абазата йыкву адхIкIылитI

Лента событий ВААК

    15 МартI 2023
15.03.2023 18:28
Гагра, Апсны Республика

АААК Гагра 1-хауа апхьарта апхьагІвчви Апсны а-Фыр ГарцкІьиа Автандили ранйара аднагалтІ.

Асквшква 1992-1993 рагІан йакІвшаз Апсны ауагІа р-Абашта айсра атурых рахІа йнашхыйу абгъьыцква йрыуата йгІалахаз айсра операция – асквш 1992 а-«МартІ гвыквсра» анакІвша амш ъагІаргванхауа йазынархата АААК Чамагуа Хараз йыхьыз зхъу Гагра аквтанай апхьарта апхьагІвчви Апсны а-Фыр, «Гвымста ухъыста» книга згІвыз ГарцкІьиа Автандили ранйара аднагалтІ.
АпхьагІвчва ГарцкІьиа Автандил йгІвырала йхъырхыз афильм «Гвымста ухъыста» йадырпшытІ. Автор асквш 1992 мартІ айсра агІаншараква йырзынархаз йгІагвалашвахраква апхьагІвчва йрыцагІвишатІ, разцІгІараква джьауап риттІ. Анйара ацІыхъва ГарцкІьиа ауи йалаз зымгІва йкнига согІата йриттІ.

0
15.03.2023 18:24
Санкт-Петербург, Россия Федерация

АААК ЙхIаракIу асовет аунашвачпагIв Эгьзакь Мусса абашталагIвчва йрызцауа йтшазынархара.

Хвду ззызбауа анбжьагIвчва, адуней йапшым ашIыпIаква рпны йаъу хIабашталагIвчва зымгIва сальам нашвзыстйитI. ХIара, Адуней апсуа-абаза конгресси «Алашари» рпны йынхауа агвып, сквшщарда руацIа уыста йхIхауа VIII Айззараду апынгьи хIхабарргартаква зымгIва рпынгьи йгIахIхIватI.

Асквш 2023 хIара рыцIагьи гвышхвара хIылата, ауагIа йрыхъвуш ауыс бзиква хIхарныс рахIагьи хIазгIашыкъта хIталтI. Швара йыжвдыритI АААКгьи «Алашарагьи» ргвып рынхара анджвыквырцIасахIат йгIашIарышвта йалкIгIу гватра хIцри бызшва, хIгвбайара, хIцIасква гIащаквыжьри тшауацIдрыхри йшырзалырхуа.

Сара багъьата йхъасцIитI Апсуара-Абазара апсуа-абаза уагIахъа рбзазари ркъагIари йшрыщату, идеология хъадата йшхIзалуа. Ауи йгIалцIла сара хIгвып рынхара апны йащтагIайуа ахвысквша Апсуара-Абазара йагIамтата йхIчпарныс щаквсыргылтI.

Ауи йгIаныцIитI къарута йхIыму шабгу хIуагIахъа рыщатаква йрыщату арыбагъьара йшазынархазлуш. Йапхъахауа хачIвыта сара йсыргылитI асабигIзартакви апхьартаква рпычIв класскви рыхъазла Апсуара йазынарху, дасузлакIгьи йнапIы йыцIазлуш книга гIаныршара.

СгвыгъитI ари ауыс архъйара йагъьу аъачIвагIагIвчва гIацIагылта сынчIва йахъхIымгауата асабиква Апсуара-Абазара шырдыруала анкъвакъвраква хIзакIвыршушта.

ХIайщчваква, хIахщчваква зымгIва тшнашвзынасырхитI: швгвгIанаграква хIыцагIвшвша, швпроектква хIзыгIашвщти, швгIай, хIалалпIта хIапхъанчIвиква йхIзыгIархчата асквшышвква йгIарылыргаз зымгIва гIащаквыгIыжьпI.

0
15.03.2023 00:00
Гвдауыта, Апсны Республика

Йапхъахауа медицина цхърагIара драдзарала тшыбжьара акIвшатI Гвдауыта 1-хауа аквтанай апхьарта апны

АААК ЛакIоба Н.А. йыхьыз зхъу Гвдауыта 1-хауа аквтанай апхьарта апны йапхъахауа медицина цхърагIара драдзарала тшыбжьара акIвнаршатI. ЙгIадрайгваз МЧС аъачIвагIагIв Амычба Индира айъазагIв дъадзаным агIвычIвгIвыс ушицхърагIушла 

0