Аменю
14 Апрель 2024
20:12
ТшанцIара

Адуней
апсуа-абаза
конгресс

Адуней апсыуата, абазата йыкву адхIкIылитI

Лента событий ВААК

    24 МартI 2023
24.03.2023 21:03
Санкт-Петербург, Россия Федерация

«Апопи ауи йынхагIвы Балди рхабар» локIла аспектакль аргылчIв эскиз абаза бызшвала йгIадырбатI

Санкт-Петербург апны йакIвшаз апсуа-абаза культура ахъвлапын апны Пушкин Александр Сергей йпа йгIвыз, Къарча-Черкес Республика ауагIа руысагIв Йуан ГIальиса  абаза бызшвала йатайкIыз алокI «Апопи ауи йынхагIвы Балди рхабар» ащатала аспектакль аргылчIв эскиз гIадырбатI.
Ауи гIадырбауата асцена апны йгIахъвмартI Рожков Андрей унашва зхъицIауа «Гардарика» ансамбль актерква, абаза бызшвала атекст йгIапхьатI ЭгьзакьргIа Амини Мадини.

0
24.03.2023 20:34
Гал, Апсны Республика

АйъазагIв дъадзаным агIвычIвгIвыс ушицхърагIуш ауысла тшыбжьара акIвшатI Гал 2-хауа апхьарта апны

АААК агвып агIвычIвгIвыс йапхъахауа медицина цхърагIара йрадзарала тшыбжьара Гал 2-хауа аквтанай апхьарта апны йакIвнаршатI. Аквтанай классква рпны йапхьауа 90-гIвы райхIа алан атренинг. ЙгIадрайгваз МЧС аъачIвагIагIв Амычба Индира апхьагIвчва йапшым агвжвайыгIвараква рагIан айъазагIв дъадзаным агIвычIвгIвыс ушицхърагIуш йапшым амальква ралхIвтI.

0
24.03.2023 20:06
Очамчыра, Апсны Республика

АААК апроект «Аҿар рыбжьы» йаланакIуа йгIвбахауа атшыбжьара Очамчыра апны йакIвшатI.

Адуней апсуа-абаза конгресси акомпозитор, амакъымршIыйагIв Марыхвба Абзагви йацырчпауа апроект «Аҿар рыбжьы» йауата йызкьазууыз анйара акIвшатI Очамчыра йаъу АшIара ртдзы апны.
Мастер-класс квпшыра змаз анйара Очамчыра къала апхьартаква рпны йапхьауа жвыхвыгIв цIайчва алан. Ари азын атшыбжьара акIвлыршатI «Ахщчва Берзениа» дуэт ашвахIвагIв, макъымршIыйарала дуней анкъвакъвра щарда йырлауреату, эстрада-джаз ашваква зхIвауа Берзениа Фрида. «Аҿар рыбжьы»  – Апсны амакъымршIыйагIвчва шIаква рквта рахIа закI гIазлыцIуашта йаъакву гIалкIгIара йазынарху проектпI. Ауи йапхъахауата рхъвыхрата сынчIва февраль агIан Гвдауыта апны йакIвшатI.

0
24.03.2023 19:46
СогIвым, Апсны Республика

АААК Апсны репатриацияла а-КъральыгIва комитет асквш 30 артлапIара йалан.

Адуней апсуа-абаза конгресс анхагIвчва гвып Апсны Республика репатриацияла а-КъральыгIва комитет асквш 30 артлапIара йалан.
Репатриацияла а-КъральыгIва комитет апсуа уагIа рыхъазла йхIатлаз агIамта – Абашта айсра агIан, асквш 1993 мартI а 23 атшын  Апсны ЙхIаракIу асовет йаунашвачпагIвыз Ардзынба Владислав й-Унашвала йгIандыршатI. Ауи хъадата йыззынхауа Апсны Республики агIвыма къральква рпны йбзазауа апсуа диаспори рабадырра рыбагъьара йгьи тшауацIнарыхра акIвпI.

0