Лента событий ВААК
Апсны Республика Ахъыхчара а-Министерства Санкт-Петербург йауата Апсны ауагIа р-Абашта айсра йалаз айсчва артшхъвагаква рквнанаргатI.
МартI гвыквсра аюбилей йадахIвуата асквшква 1992-1993 рагIан йакIвшаз Апсны ауагIа р-Абашта айсра Санкт-Петербург йауата йалаз айсчва Апсны Республика Ахъыхчара а-Министерства амедальква рквнадыргатI.
«Айсра азъазара ахъазла» амедальквала рыхьызква рхIватI Эрглис Андрей, Шуднев Владислав, Турыгин Дмитрий, Тишунин Геннадий, Крылов Сергей, Никоноров Сергей, Громов Анатолий, Залялов Альфрет йгьи Рыжев Александр.
Артшхъвагаква Санкт-Петербург апны апсуа-абаза культура ахъвлапын анакIвшуз йрырттI.
Апсуа-абаза культура ахъвлапын акIвшатI Санкт-Петербург апны.
Санкт-Петербург апны йгIаныршу Адуней апсуа-абаза конгресс ашта хъвшара йалакву «Ажурналист йтдзы» апны апсуа-абаза культура ахъвлапын акIвдыршатI.
Анйара Санкт-Петербург йту апсуа-абаза диаспора адыркIылырныс рмурадта йадыргалтI.
Асасчва ауагIахъа ашваква, агIахIвраква датшагьи щарда злаз концерт джьащахъва ддырбатI.