Лента событий ВААК
"Апапи уи имаҵуҩы Балдеи" ирызку алакә аспектакль алхны абаза бызшәала иқәдыргылеит
Санкт-Петербург имҩаԥысыз аԥсуа-абаза культура ахәылԥаз аҟны идырбан Александр Пушкин илакә "Апапи уи имаҵуҩы Балдеи" иалху аспектакль абаза бызшәала. Еиҭазгазгьы - Ҟарачы-Черқьестәыла жәлар рпоет Али Иуана.
Асценаҿы аескиз аԥсы ахарҵеит Андреи Рожков напхгара зиҭо ансамбль «Гардарика» актиорцәа, алакә атекст иаԥхьон Аминеи Мадинеи Егзакьԥҳацәа.
Раԥхьатәи ацхыраара аҟаҵара иазку атренинг мҩаԥысит Галтәи 2-тәи ашкол аҟны.
АААК аусзуҩцәа Галтәи 2-тәи абжьаратә школ аҟны имҩаԥыргеит ауаҩы раԥхьатәи ацхыраара шиҭатәу иазкны атренинг. Аиԥылара иалахәын 90-ҩык инареиҳаны аҵаҩцәа еиҳабацәа. Ари аус иадыԥхьалоу Аҭагылазаашьа ҷыдақәа рминистрра аспециалист Индира Амҷԥҳа ахәыҷқәа ирзеиҭалҳәеит еиуеиԥшым амашәырқәа раан ауаҩы иаарласны ишицхраатәу.
АААК апроект "Аҿар рыбжьы" аҩбатәи амастер-класс мҩаԥысит Очамчыра.
Очамчыра ақәыԥшцәа рыҩнаҿы имҩаԥысит Адунеизегьтәи аԥсуа-абаза конгресси амузыкант, ашәаԥҵаҩы Абзагә Марыхәбеи рзеиԥш проект "Аҿар рыбжьы" аҩбатәи аиԥылара.
Амастр-класс аҳасабала еиҿкааз аиԥылара рхы аладырхәит очамчыратәи ашколқәа рҟынтә 15-ҩык аҵаҩцәа. Ахәыҷқәа лдырреи лԥышәеи рыцеиҩылшон "Аиҳәшьцәа Берзениаа" рдует алахәыла, жәларбжьаратәи амузыкатә конкурсқәа рҟны аиааирақәа згахьоу, аестрадатә-џьазтә шәаҳәаҩы Фрида Берзениаԥҳа. "Аҿар рыбжьы" - Аԥсны амузыка ашҭа иҭалаша абаҩхатәра злоу аҿарацәа раарԥшра иазкуп. Раԥхьатәи аиԥылара мҩаԥысит Гәдоуҭа, ҳазҭоу ашықәс жәабранмзазы.
АААК Аҭоурыхтә ԥсадгьыл ахь ахынҳәразы аҳәынҭеилакы 30 шықәса ахыҵра азгәаҭара иалахәын.
Адунеизегьтәи аԥсуа-абаза конгресс аколлектив рхы аладырхәит Аҭоурыхтә ԥсадгьыл ахь ахынҳәразы Аԥсны аҳәынҭқарратә еилак 30 шықәса ахыҵра иазкыз аусмҩаԥгатәқәа.
Аҳәынҭеилакы аԥҵан Аԥсны жәлар рџьынџьтәылатә еибашьра анцоз, 1993 шықәса хәажәкыра 23 рзы Иреиҳаӡоу Асовет ахантәаҩы Владислав Арӡынба иқәҵарала. Хықәкы хадас иамоуп Аԥсни аҳәаанырцә иҟоу аԥсуа диаспореи реимадарақәа рырӷәӷәара, рырҿиара.
