Лента событий ВААК
ЙагIвсыз хIхъхIымраштылуата: Апсны апны КIавкIаз айсра йаладзыз рхъмаштылра мшы дыртлапIатI
Май а 21 Апсны апны КIавкIаз айсра йаладзыз рхъмаштылра мшы дыртлапIитI. Аджьабара айззараква акIвшитI апсуа-адыгьа диаспора ъабзазауа акъральква рпынгьи.
Хъмаштылра нархара змаз ауысква йрызакIта йалтI СогIвым апны йадыргалыз напIыла мца знапIыцIаз ауагIа ргIамгIвайсра. Ауат Багапщ Сергей йыхьыз зхъу агваран йтыцIын адзытшпурам йгылу амхIаджьырква рчвахъабага син йазцатI. КIвымжвыла йгIвычаз ачкIвынчва апсуа йгьи адыгьа ныпква, анапIыла мцаква, аткъвым хчагаква рымата йымгIвайсуан.
Ахъмаштылра уысква йрылан Адуней аспуа-абаза конгресс агвыпгьи. Ансисквшагьи а-Конгресс анхагIвчва ащамакъа чвахъабага чвамза рчпалитI. ЙшцIасхаз апшта, ауи адзытшпурам апны «нартргIа рымца» анацIырхъыйуа йацадыркIитI.
Ачвамза анадыркIра амщтахь йаъу зымгIва бжаблыта йгIанхауа ачваба рахъваква рыларшахитI.
Алалраква алдыргауата йайззаз ауагIа КIавкIаз айсра йаладзкваз рыхьызла ахIврапшдза алапаква адзы йхъыржьылтI.
