Лента событий ВААК
СогIвым апны апсуаква руагIахъа гIахIвыга макъымква разкIкIра апрезентация акIвшатI
Нотала йгIву апсуа уагIахъа макъымкIва ракIвымкIва азкIкIра йаншвалтI ауи адызгалыз йалайцIаз амакъымквагьи. Акнига апрезентация Апсны асаби йгьи ашIара ргIахIвчва гвыпква ХХV рреспублика анкъвакъвра «Аӡыхь» апкъ йтата йакIвдыршатI.
«Ирӡтәым» проект апкъ йтата апхьагIвчва тшынкъвцара ацIасква рархIвтI.
«Ирӡтәым» проект апкъ йтата Апсны апны гIатгара зму арыпхьагIв, Жвандрыпщ аквтанай апхьарта адиректор Габуниа Джьума апсуаква тшынкъвцарала рцIасква йырзынархаз йлекция акIвшатI. Ауи йаздзыргIвытI Гвдауыта район йауу пщапхьартакI рпны йапхьауа цIай 60-гIвы райхIа. Ауат Мгвдзырхва кыт йаъу «Апсны парк» этнопарк апны тшазыркIкIытI.
Ари «Ирӡтәым» проект йаланакIуа йцбахауа лекциян. Ауат зымгIва апсуа уагIахъа ргвбайара, рцIасква, ртурых йгьи апсуаква ръадаб-намыс йащату апсуара ауагIа йрылагара йырзынархапI.
«Ирӡтәым» (апсышвала – «йрыдзчIвым, йрыдз йамуаш» – гIаныцIитI) АААКи Апсны акъральыгIва университет апсуа бызшвала акафедра арыпхьагIв Джьугелиа Инни йацдырхъйауа проектпI. Апроект сынчIва мартI агIан йджвыкврыжьтI.
