Аменю
2 МартI 2024
23:23
ТшанцIара

Адуней
апсуа-абаза
конгресс

Адуней апсыуата, абазата йыкву адхIкIылитI

Лента событий ВААК

    5 Май 2023
05.05.2023 16:25
Гвдауыта, Апсны Республика

АААКи Джьугелиа Инни рпроект йауу алекция шIыц апсуа уагIахъа гIахIвыща атурых йазынадырхатI.

«Ирӡтәым» проект йаланакIуа йызкьазууыз алекция акIвшатI Кобахиа Д. йыхьыз зхъу Гвдауыта 5-хауа аквтанай апхьарта апны. Ари азын ауи апсуа уагIахъа гIахIвыща атурых йазынархан.

Амастер-класс акIвлыршатI Апсны Республика ауагIа рартистка, Адыгея Республика апны гIатгара зму артистка, Ахьӡ-аҧша орден III астепень зму Герзмава Майя. Ауи апхьагIвчва апсуа уагIахъа гIахIвра апны ахIвссаква рпIатIаущаква йрыхалыргIвазатI, йагIвсыз агIамта ауацIа ауат апIатIаущаква штшырпсахыз ралхIвтI. Амастер-класс алекция йахъазымкIва тшыбжьарагьи алан. Герзмава Майя апхьагIвчва уангIахIвуа апсуа гIахIвыща йаквыргIапста ушайтыпуш, ущапIква шуыргылуаш, унапIква шучпуш длырбатI.

«Ирӡтәым» (апсышвала – «йрыдзчIвым, йрыдз йамуаш» – гIаныцIитI) проект агIапын ахъа йджвыкврыжьтI. Ауи йадгалагIвхатI Адуней апсуа-абаза конгресси Апсны акъральыгIва университет апсуа бызшвала акафедра арыпхьагIв Джьугелиа Инни. Апроект ацIайква апсуа уагIахъа ртурых, ргвбайара, рцIасква штшрыдыркIылуаш йазынхитI.

0