Лента событий ВААК
«Сальамшвъа»: Эзугбая Астамур йтгIачва йырзыйгIвыз асальамшвъа
Адуней апсуа-абаза конгресс «Сальамшвъа» («Асаламшәҟәы» - аредакция) проект джвыквнажьтI. Апроект айсра йалаз, зыла йыцIсыз ауагIа рцрикви раргванкви йырзыргIвыз асальамшвъаква аднакIылитI. Айсра асквшква рхабарква йгIарыпхьахитI АААК анхагIвчва. Авидеоква сентябрь а 30-дза хымшкIипхьадза асоциал сеткви а-Конгресс асайти рпны йгIатарцIалуштI.
АААК ауагIахъа хъвмарщаквала анкъвакъвра тшазаднагалыркIвитI.
Адуней апсуа-абаза конгресс чкIвыныргIи физкультури тшауацIдрыхрала ахъвшара аунашвачпагIв Берзениа Валерий ауагIахъа спорт хъвмарщаквала амастер-классква акIвйыршауаркIвитI. «Аимҵакьача», «Хылпахас» йгьи «Мцымца» хъвмарщаквала йызкьазууыз атшыбжьараква Тхьына аквтанай апхьарта апхьагIвчва рыхъазла йадыргалтI. Ага анкъваквъраква йрылазлуш 9-11 аклассква рапхьагIвчва ракIвызтынгьи, ахъвмарра йалазларныс айцIбачвагьи йыртахъхатI. Амастер-класс 15-гIв апхьагIвчва алан. Ахъвмарра шджвыквылбыргуаз зынла гвы аутуан ауагIахъа спорт хъвмарщаква ацIайква йшрымагIальаматхаз. РыцIа йыргвапхаз «Аимҵакьача» акIвпI – араъа айгIайра гIаздахIвуа рахIа йцIару, йщаласу ракIвпI. Амастер-классква аналгара Апсны арайонква рапхьартаква рквта ауагIахъа хъвмарщаквала анкъвакъвраква адыргалуаштI, ауат «Апсны» этнопарк апны сентябрь агIан йакIвшуштI.
