Лента событий ВААК
АГТРК АНГIАНДЫРШАЗ АМШ ЙАЗЫНАРХУ АААК ЙХIАРАКIУ АСОВЕТ АУНАШВАЧПАГIВ ЭГЬЗАКЬ МУССА ЙХIВАХIВРА
ПIатIу зкву Ирина Шота йпхIа!
Хвду ззызбауа Апсны акъральыгIва телерадиуакомпания анхагIвчва гвып!
Адуней апсуа-абаза конгресс ахьызлагьи схъаталагьи баргьи анхагIвчва гвып шабгугьи Апсны акъральыгIва телерадиуакомпания сквш 45 ъахъыцIуа ахъазла снашвайхIвахIвитI!
Асквшква 1992-1993 рагIан аквырджь-апсуа айсра анакIвшуз Апсны ателебара агвып йгIадырбаз ахъамайгьдзари абагъьари ажвлара ахацква дрымчра йахъазымкIва апсуаква рбжьы адуней апны йшыргIушыз апшта щатагьи щтIарцIатI.
ХIуагIахъа рылахь шцуш зпщылаз ауат агIаншараква ахъыхри йгIарбахри йрыдыжвгалыз швкъару уахьчIва йгIадзынгылуа абанпара ргвы бзибари хъардури тата, ртурыхи рцри адгьыли йшрылачпу рылархIвауата йбжьара йацхърагIитI.
Ауат асквшква руацIа Апсуа телебара ауагIахъа рацзакIыра рыбагъьара, ргвбайара тынхи йбайу ртурыхи ауагIа йрылагара апны уыс ду архъйатI. Телебара анхара джьауапкIра ду апщылапI, йауа ухIварыквын, анхагIвчва гвып ду йдрыхIазыруа аматериалква абзазагIвчва ракъыльи ргви рпны щта цIола гIаныржьитI, ажвлара шабгу рбзазара уыла йгIацIаржьитI. Абар, сквш 45 цIитIта Апсны ателебара ауи магIын ду зму ахачIвы дахIврала йархъйитI.
Сгвылагьи спсылагьи апхъахьылагьи дахIвра швымазларныс, ацзакIыра апсып швымрыдзныс, культура хъатала тшырбайара шващтазларныс швзыстахъпI! УачIвымш Апсны акъральыгIва телебара атшауацIыхра апны рыцIагьи йхIаракIу агIатгараквала йырчвызтI!