Лента событий ВААК
10 Ноябрь 2023
10.11.2023 17:16
СогIвым, Апсны Республика
АААК Калдахвара йгьи Бзыпта кытква рпны апхьагIвчва рыхъазла йапхъахауа цхърагIарала атшыбжьараква акIвнаршатI.
Калдахвара апхьарта-интернати Бзып апсуа апхьарти рапхьагIвчва 80-гIв райхIа рылан айъазагIв дъадзаным зарар задзаз агIвычIвгIвыс йапхъахауа цхърагIара шйурадзушла Адуней апсуа-абаза конгресс МЧС аъачIвагIагIв Амычба Индира далата йаднагалыз атшыбжьараква.
АпхьагIвчва ймахыз, зчважь блыз, зхъа амара ташыз, закI гIазцхIаз, зыбыгIв шIчIваз, удын зквшваз, зща гIаджвыквлыз агIвычIвгIвыс йапхъахауа цхърагIара шйурадзуш рархIвтI йгьи йддырбатI.
АпхьагIвчва лшара рыман агвы райшата уаквымхIауа йшучытIуш, агIвычIвгIвыс псып шйыураухуаш йазалхыз атшыбжьага апны тшадрыщцарныс.
0
10.11.2023 13:49
Гвдауыта, Апсны Республика
АААК Гвдауыта район апны йаныргIалу Апсны Республика Ахъахчара а-Министерства 6-хауа абригада йазалху цхърагIара анарайдзатI.
Гвдауыта къала ашIыпIа хъвшара атшазынархарала Гвдауыта район апны йаныргIалу Апсны Республика Ахъахчара а-Министерства 6-хауа абригада ауысхарта оргтехника азырхвгIатI.
