Лента событий ВААК
10 Абҵара 2023
10.11.2023 17:16
Аҟәа, Аԥсны Аҳәынҭқарра
АААК раԥхьатәи ацхыраара аҟаҵаразы атренингқәа мҩаԥнагеит Калдахәареи Бзыԥҭеи.
Калдахәаратәи ашкол-интернати Бзыԥҭатәи аԥсуа школи ирҭоу аҵаҩцәа 80-ҩык инареиҳаны рхы аладырхәит Адунеизегьтәи аԥсуа-абаза конгресс еиҿнакааз ауаҩы раԥхьатәи ацхыраара иҭаразы атренингқәа. Азыҟаҵара мҩаԥылгон Аҭагылазаашьа ҷыдақәа рминистрра аспециалист Индира Амҷԥҳа. Ашколхәыҷқәа ирзеиҭарҳәеит, иагьддырбеит ауаҩы иԥсы маҷхар, дыблыр, амра ихы иасыр, акы ицҳар, абаҩԥҵәа иоур, дхәахәар, ма дшьабо далагар ацхыраара шиҭатәу. Анаҩс иҷыдоу атренажер аҿы ироуз адыррақәа апрактикаҿы рхы иадырхәар рылшон.
0
10.11.2023 13:49
Гәдоуҭа, Аԥсны Аҳәынҭқарра
АААК хықәкылатәи ацхыраара рырҭеит Аԥсны Атәылахьчара аминистрра иатәу гәдоуҭатәи 6-тәи арезервтә бригада.
Гәдоуҭа иҟоу АААК Аҭыԥантәи аҟәша иҟанаҵаз аҳәарала, Аԥсны Атәылахьчара аминистрра иатәу гәдоуҭатәи 6-тәи арезервтә бригада аофис азы иаҭахыз атехника аахәан.
