Лента событий ВААК
АААКи Аԥсны Атәылахьчара аминистрреи аусеицура иалацәажәеит
Аԥсны Атәылахьчара аминистр ихаҭыԥуаҩ Давид Бжьаниеи, Атәылахьчара аминистр иаппарат анапхгаҩы Вадим Кәартааи, аминистр иабжьгаҩ Томас Ҷолариеи Адунеизегьтәи аԥсуа-абаза конгресс аофис иаҭааит АААК Иреиҳаӡоу ахеилак ахантәаҩы Мусса Егзакь иааԥхьарала. Азҵаарақәа жәпакы ирылацәажәан - алагарҭатә арратә зыҟаҵара алаҵәара аҭара инаркны, арратә хырхарҭала иреиҳаӡоу ҵара аиура аҟынӡа. Иазааҭгылеит иара убас Аконгресси Атәылахьчара аминистрреи еилахәны имҩаԥыргар ауа апроектқәагьы.
"Ҳазҭагылоу аамҭазы акраҵанакуа иҟалеит арратә ҵараиура. Аԥсны Атәылахьчара аминистрра иреиӷьӡоу урыстәылатәи арратә ҵараиурҭақәа ирҭало абитуриентцәа адгылара рынаҭоит. Ҳгәанала, уи цхыраара дууп аҵара бзиа заурц зҭаху аҿар рзы", - иҳәеит Давид Бжьаниа.
Аиԥылара аиҩызаратә ҟазшьа аманы имҩаԥысит. Аҩ-ганк анаҩстәи русеицуразы еицәажәеит. Хара имгакәа Аконгресс аусзуҩцәа Атәылахьчара аминистрра ахаҭарнакцәа алархәны ашколхәыҷқәа рзы азанааҭалхра иазку аиԥылара мҩаԥыргоит.
