Лента событий ВААК
Инар Гыцба Ҭырқәтәыла иҟоу АААК арегионалтә ҟәша аҟынтә Иреиҳаӡоу ахеилак алахәылацәы дырԥылеит.
Аԥсуафед VIII изаамҭанытәиу Ассамблеиа аҳәаақәа ирҭагӡаны АААК Ауснагӡаратә маӡаныҟәгаҩ Инар Гыцба Ҭырқәтәыла иҟоу АААК арегионалтә ҟәша Иреиҳаӡоу ахеилак алахәылацәа дрықәшәеит. Аиԥылараҿы иалацәажәеит аусеицуреи аимадарақәеи рырҭбаара, амилаҭ-культуратә ҭынха ахьчареи ақьабзқәа реиқәырхареи ирыдҳәалоу азҵаарақәа.
Левент Аҭрышба Аԥсуафед ахантәаҩ ҿыцс далхуп.
Ҭырқәтәыла иҟоу Аԥсуа культуратә хеидкылақәа рфедерациа VIII изаамҭанытәиу Ассамблеиа хада мҩаԥысит Измиҭ ақалақь аҟны. Аизара иалахәын 286-ҩык аделегатцәа, акультуратә хеидкылақәа 22 рҟынтә, иара убас Аԥсны Жәлар Реизара аделегациагьы, АААК Ауснагӡаратә маӡаныҟәгаҩ, адепутат Инар Гыцба дназлаз.
Аизараҿы иалхын Аԥсуафед анапхгареи ахантәаҩи. Акандидатцәа хҩык ықәгылан: Ерџьаи Пачкориа, Ҳасан Қардиа, Левент Аҭрышба. Алхрақәа рлыҵшәақәа рыла, аиааира игеит Левент Аҭрышба.
«Аԥсуара амҩахәасҭақәа» рцикл: Пантик Тапаӷәуа иҿцәажәара.
Ажурналист Екатерина Бебиа лавтортә программа «Аҧсуара амҩахәасҭақәа» рцикл аҿы диҿцәажәоит арҵаҩы, ааӡаҩ, Кәтолтәи абжьаратә школ акыр шықәса директорс иҟаз Пантик Тапаӷәуа. Анҵамҭа ҟаҵан Аҟәа 2009 шықәсазы Аҧсуа ҳәынҭарратә телехәаҧшра астудиаҿ. https://abaza.org/abk/1101