Лента событий ВААК
Гыцба Инар Трыквшта ашта хъвшара ахьыла АААК ЙхIаракIу асовет йалакву дрынйатI.
Апсуафед VIII а-Генерал ассамблея анакIвшуз Адуней апсуа-абаза конгресс архъйагIв секретарь Гыцба Инар Трыквшта ашта хъвшара ахьыла АААК ЙхIаракIу асовет йалакву дрынйатI. Анйара апны Трыквшта йту адиаспора рыцынхара, аэтнокультура байараква рыбагъьара йгьи ацIасква рхчара уысквала ажвлара адкIылараква рацынхара йалачважватI.
Атрышба Левент Апсуафед даунашвачпагIвта далырхтI.
Апсуа культура квтаква р-Федерация (Апсуафед) йызкьазууыз VIII а-Генерал ассамблея акIвшатI йахьчIва атрыкв къала Измит апны. Айззараду йалан культура квта 22 йгIарщтийыз делегат 286-гIв йгьи адепутат, АААК архъйагIв секретарь Гыцба Инар дызлаз Апсны а-Парламент ащтийыгIвчва ргвып. А-Генассамблея алачIвара апны Апсуафед аунашвахъцIарта йалазлуши аунашвачпагIви алырхтI.
А-Федерация ахъада йъанатIа хгIвы азабакIуан: Пачкориа Эрджаи, Кардиа Хасан, Атрышба Левент. АнапIщтIыхра агIарбараквала Апсуа культура квтаква р-Федерация даунашвачпагIвта Атрышба Левент далырхтI.
«Апсуара амгIващквала» абаркIыра: ТапIагуа Пантик йгIачважвара.
АгIатраква рабаркIыра «Апсуара амгIващквала» апкъ йтата ажурналист Бебиа Екатерина КвтIол аквтанай апхьарта апны директорта сквшщарда йынхаз арыпхьагIв, абжьагIвы ТапIагуа Пантик дгIалырчважватI. Айчважвара асквш 2009 агIан СогIвым, Апсны акъральыгIва телебара астудия апны йанырцIатI. https://abaza.org/abq/1101