Лента событий ВААК
Ацынхара амгIва: СогIвым-Абазашта
АГУ астуденткви «Алашара» адкIылара ацхърагIагIвчва шIакви алата тшыбжьара акIвшатI СогIвым апны. https://abaza.org/abq/1202
АААК ауысхагIвчва «АкъральгIв жвлара: азшIытра шIыцкви алшаракви» программа йалан
АААК агвып йрылу Хьышба Науыр, Базба Селма йгьи Хагба Ефрем Россотрудничество йархъйауа «АкъральгIв жвлара: азшIытра шIыцкви алшаракви» программа йалан.
Апрограмма йалакваз «России агIвыма къралькви рпны акъральгIв жвлара аинституткви анхащакви» ХIII Адуней наука конференция йаъан, ауаъа Хьышби Хагби Апсны апны акъральгIв жвлара аъаща, акъральгIв жвлари акъральыгIви рацынхара йгIаквчважвуз адокладква гIарчпатI.
Апрограмма апкъ йтата аделегатква Россия Федерация Ажвлара палата йаъан, «Россия-2030: агIамта шIыц йазынхуш ажвлара гIаджвыквцIараква» форумгьи йалан.
АААК хапхьартакI спорт ъамапсыма рнаттI
АшIыпIа хъвшараква рыцынхара апкъ йтата Адуней апсуа-абаза конгресс Квланырхва йгьи Мгвыдзырхва кытква рапхьартаква, йара ауи апшта Гвдауыта 5-хауа апхьарта спорт ъамапсыма рхвгIарныс ахъазла йазалху цхърагIара днарадзатI.
Эгьзакь М. ХI. Эрдоган йкьангьашагIв Сертчелик С. дйынйатI
Ноябрь а 5 атшын Анкара, Трыквшта рпрезидент Эрдоган Р. йунашвахъцIарта зыгIвну атдзы апны Трыквшта айгварала ащтаныкъварала Ажвлара апрезидент Эгьзакь М. ХI. Трыквшта рпрезидент йкьангьашагIв Сертчелик Саид дйынйатI.
Эгьзакь М. ХI. агIвкъралькI йрыуу чкIвыныргIа рыцIа аргваныта йацынхарныс ахъазла щатата йырзалуаш, культура, спорт, жвлара уысла швапха ъамырдуш тыпкI гIаныршара йшазхъвыцуа гIайхIватI. Йлырхуа ахачIвква рпны атрыкв хъата азыгIальаматраквагьи шгIарбазлуш апшта агвгIанаграква ауат рыхаргIвазазарквын ауи айчважвара джвыквыцIара ахъазла магIын ду шамазлушыз гIалыркIгIатI.
«ХIара ацынхара хIазыхIазырпI йгьи йхIтахъыпI, йауа ухIварыквын, ацынхара йалахIапхьадза хIкъральква райгвара рыцIагьи йбагъьахуштI», – дацIачIвагъватI Эгьзакь М. ХI.
Трыквшта рпрезидент йкьангьашагIв Сертчелик Саид асас дъагIайыз ахъаз дшизыразу йхIватI йгьи йгIаликIгIатI, ага России Трыквшти сквшщарда йацынхаргьи, йгIандыршаз аплатформаква рджьгарра шапышвтлуз, даргьи ргIапсракI йштагыламыз. Ауи агIвхъатакI рацынхара ахъазла лшарата йаъу рыцIа йауацIыхта йаквчважварныс ахIатырла Россия дцарныс дшхIазыру йхIватI. Ауи зымгIвагьи йгIаргвалайыршвахтI щарда мцIуата Трыквшта рпрезидент Эрдоган Р. данйынйа Анталия йа Астомбыль апны урышв-трыкв университет гIаныршара ауысла ажванахъа шгIайгыз, ауаса ауыс ауи амщтахь йгьымцIсыстI.
Айчважвара апны йгIащтIырхтI культура, спорт нархара зму ауысква адгалра, гIвырагIацIщтрала агIвхъатакI йацдырхъйа йауаш апроектква. Россия-трыквшта азазаъащаква йгIарыквчважвауа гIвыракI гIацIщт йшауашгьи рхIватI – ауи агIвхъатакI рабадырраква рыцIагьи йшбагъьахуш йахъвушын.
«АгIвыраква ргIацIщтра хIазазаъащаква рщаквгылра апны уыс ду рхушын», – йгIаликIгIатI Сертчелик С.
АгIвхъатакIгьи багъьара алата йырхIватI Трыквшта айгварала ащтаныкъварала Ажвлара анхара агIвкъралькI рацынхара тшауацIнарыхра апны магIны зму чIвырхъата йшалуаш, России Трыквшти ркультура абадырраква рыбагъьара апны ажвлара дипломатия амагIынгьи гIалыркIгIатI.
Анйара пхата йакIвшатI. Ауи йалан Трыквшта айгварала ащтаныкъварала Ажвлара апрезидент йкьангьашыгIвчва Таниа Кани ХIапIатI АхIмади.
«Гәыкала». Агрба Арзадин
ХIара дхIысасын азгIвадара гIащаквзыргылхуа физкультурала аъачIвагIагIв, ареабилитолог Агрба Арзадин. Ауи азгIвадари амахъа-щахъаква нкъвцара асабапри, Апсны апны рыцIа йщарду ачмазагIвракви диспансеризацияла апроект дшалази дшгIарыквчважвауа швапшы «Гәыкала» йызкьазуу анатра апны.