Лента событий ВААК
ЧIлоу кыт апны чкIвыныргIа ртшпсщарта квта гIахъыртIуаштI
ЧIлоу кыт апны уыжвласыла чкIвыныргIа ртшпсщарта квта ъагIахъыртIуаш апещ арчIаджьра йалгатI. Анхараква Адуней апсуа-абаза конгресс агIаджвыквцIарали ацхърагIарали йакIвдыршатI.
Аквта шIыц апны акружокква, аршIыйара рчIаджьыртаква, алекцияква, датшагьи культура-тшпсщара нархара зму ауысква адыргалуаштI. Ауатква йгIадзынгылуа чкIвыныргIа йыззычпу ауысквала ръазара йаздырхIарныс, йабабаларныс, рзаман сабап алата йыргаларныс лшара рыртуаштI.
«ЧкIвыныргIа уыжвгIанчIви аъащаква рзыгIаныршара – хIынхара анархара хъадаква йрыуазакIыпI. ХIара багъьата йазхъахIцIитI ари аквта ЧIлоу абзазагIвчва рыхъазла агвбайари аршIыйари йшрытшгIвадзахуш, чкIвыныргIа рылшараква ъарзыгIарбуш йштыпхуш», – йгIалыркIгIатI а-Конгресс апресс-къвырльыкъвхарта апны.
Атшпсщарта квта агIахътIра йаргвану агIамта йаквдырпшитI. Ужвы ари асахIат апещ йатахъхуш псауатлали ъамапсымали йадыргалитI.
