Лента событий ВААК
АААК арыпхьага кIартква ашауаркIвитI
Адуней апсуа-абаза конгресси АГУ апны апсуа бызшва акафедра арыпхьагIв Джьугелиа Инни арыпхьарала апроект шIыц дырхъйауата нхара акIвдыршауаркIвитI. Ауи апшта апхьара сквшшIыц алагамта АААК агвып ацхърагIагаква арыпхьарала арайон унашвахъцIартаква йырзыргатI. КIарт абаркIыра 300 райхIа Ткъварчал, Гал йгьи Очамчыра районква йыргатI. Ауи апхъала ацхърагIагаква Гагра, Гвдауыта, СогIвым районква рапхьартакви рсабигIзартакви йрыцIакву йрыквшвахьан.
Асурат пшдзаква зну атшыбжьага кIартква апхьарта йымцас асабикви апхьагIвчви цри бызшва анддырдыруа цхърагIагата йшырзалуаш апшта йрызлырхтI.
АААК Квланырхва кыт апхьагIвчва йазалху цхърагIара днарайдзатI
АшIыпIа хъвшараква рыцынхарала Адуней апсуа-абаза конгресс ахъвшара Трапщ Михаил йыхьыз зхъу Квланырхва кыт апхьарта йазалху цхърагIара анарайдзатI. АААК акъарула апхьарта пещква рпны ашв шIыцква ларцIатI.
