Лента событий ВААК
АААК ЙхIаракIу асовет аунашвачпагIв Эгьзакь Мусса ЛакIоба Станислав адуней ъайхIваджьыз ахъазла йцрикви йаргванкви ргвакъвпра шрыцагIвишауа райхIвтI
Апсны йгIатыцIын хабар нашхыйа гIайтI . Апхаста даладзтI ЛакIоба Станислав Зосим йпа. ЗъачIвагIалагIвчва йгIарылхIвуз апхьахьа, атурыхдырыгIв, ажвлара уысхагIв, талантта, дыррата, къарута йылазла запш мачIгIву агIвычIвгIвыс. Апсны шабгу ахъазла ауи лдзгIара дупI.
Сара Станислав Зосим йпа хвду йзызбун. Сара сыхъаз ауи йхъвыцща йанакIвызлакIгьи магIны аман. Ауи дайчважвалагIв джьащахъван: зынгьи йуыцIипссарныс, тшуыцичпарныс дгьащтамызтI – ауыс йшаъаз апшта йхIвун, дшхъвыцуаз апш дчважвахуан. ЙамгIануысызлакIгьи йара йпшыща азйыман.
Зхъвыцща, згвгIанаграква убзазара апны мгIварбагата йузалуаш, йанакIвызлакIгьи ацIабырг гIауазхIвуаш, запшуысызлакIгьи шIыцта уаквзырпшуаш гIвычIвгIвыс дгIауынйарныс – ауи алахь зынзамызадзата йгIаунатуа согIапI. Сара сыхъаз ауи дапш гIвычIвгIвысын Станислав Зосим йпа. Кьангьаш гьазгIазгуам датшагьи уагIа щардагIв рыхъазла – Апсны апынгьи, ауи утыцIтагьи – ауи рбзазара амгIва зладрытамамуаз лашарбагата дшаъаз.
Станислав Зосим йпа йцрикви йаргванкви ргвакъвпра рыцагIвсшитI. Ауи зынгьи дгьхIхъаштылуашым, йанакIвызлакIгьи хIгвы дтазлуштI.
