Лента событий ВААК
АААКи «Асоциал гIаджвыквцIараква рыжвлара квти» «Жвлара проектлыхра» программа дырхъйауаркIвитI
Адуней апсуа-абаза конгресси Ростов шта йаланакIуа Каменск-Шахтинский къала йауу хъахIара гIагра мурад змам «Асоциал гIаджвыквцIараква рыжвлара квта» адкIылари Апсны апхьагIвчва ажвлара проектлыхра ащатаква дзырдыруа атшыбжьараква акIвыршарала апрограмма дырхъйауаркIвитI.
Апхьара сквшшIыц апны йапхъахауата йъацаз Гал район йаланакIуа ЩащикIвар кыт акIвпI. Атшыбжьара АААКи «Асоциал гIаджвыквцIараква рыжвлара квти» рпроект апкъ йтата йдырчIаджьыз апхьарта апещкI апны йакIвдыршатI.
Йшщаквгылхьаз апшта, аинтенсив гIвымшкI йакIвшатI: йапхъахуз атшын апхьагIвчва атеория ддырдыруан йгьи апроектлыхра тшазырбжьун, йгIвбахуз – уысхара мшын, агвыпква мурад, хачIвы дыргылуан, акврыдзраква рпхьадзун, рпроектква шдырхъйуш чIвырхъа-чIвырхъа йгIарбата йлырхуан. Атшыбжьара йалакваз гIвгвыпкIта тшыршан рхъвыцраква проект джыпха йтагылата йыргIвытI.
Агвыпква ргвгIанагракви апхьагIвчва ртахъыракви анддырдыр амщтахь йазалху акомиссия йалакву апхьарта дзыла рыцIа бзита йшадгалазлуш йазынарху апроект йацыркIтI, ауи ахчала йацхърагIарныс йаквдырпштI.
АААКи «Асоциал гIаджвыквцIараква рыжвлара квти» апхьагIвчва рыхъазла жвлара уатыкв гIахъыртIытI
Адуней апсуа-абаза конгресси Ростов шта йаланакIуа Каменск-Шахтинский къала йауу хъахIара гIагра мурад змам «Асоциал гIаджвыквцIараква рыжвлара квта» адкIылари рацынхара апкъ йтата ПакIващ 1-хауа аквтанай апхьарта апны жвлара уатыкв гIахъыртIытI. Ауи йазалху апещ дырчIаджьтI: абльынква гIадыршIыцтI, апсауатлаква рпсахтI.
Ауи апхьагIвчва рахIвараква гIарпхьадзауата йырхвгIаз аспорт ъамапсымаквала йадгалапI.
Йара ауи апшта ажвлара уатыквква гIахъыртIуаштI ЩащикIвар, Уаквым, Мгвыдзырхва кытква рпынгьи.
АААКи «Асоциал гIаджвыквцIараква рыжвлара квти» Дурыпщ кыт апхьагIвчва йазалху цхърагIара ддрадзатI
Адуней апсуа-абаза конгресси Ростов шта йаланакIуа Каменск-Шахтинский къала йауу хъахIара гIагра мурад змам «Асоциал гIаджвыквцIараква рыжвлара квта» адкIылари рацынхара апкъ йтата Гвдауыта район йаланакIуа Дурыпщ кыт апхьарта апхьагIвчва спорт чгIвыча рзырхвгIатI.
«НКО азхIарта тып: Апсны» проект РФ апрезидент грантква р-Фонд ахчала йдырхъйитI.
