Лента событий ВААК
АААКи «Асоциалтә ҧшьгамҭақәа руаажәларратә центри» иацырҵоит апрограмма «Асоциалтә проектҟаҵара».
Адунеизегьтәи аҧсуа-абаза конгресси Ростовтәи атәылаҿацә Каменск-Шахтинск ақалақь аҟнытә иавтономтәу икоммерциатәым аиҿкаара «Асоциалтә ҧшьгамҭақәа руаажәларратә центри» иацырҵоит Аҧсны ашколхәыҷқәа асоциалтә проектҟаҵара ашьаҭақәа дзырҵо апрограмма анагӡара.
Аҵаратә ашықәс ҿыц азы раҧхьатәи аусуратә ҭыҵра еиҿыркааит Гал араион Шьашькәара ақыҭахь. Атренинг мҩаҧыргеит уаанӡа АААКи «Асоциалтә ҧшьгамҭақәа руаажәларратә центри» еицхырааны иҟарҵаз ауадаҿы.
Ишаҧу еиҧш, аинтенсив ҩымш имҩаҧысуан: актәи амш аҽны аҵаҩцәа атеориатә хәҭа рыдыргалеит, апроектҟаҵашьа ддырбеит, аҩбатәи амш аусура иазкын, ахәыҷқәа рхатә проектқәа еиқәдыршәеит, уаҟа иадырбеит ахықәкқәа, аҳасабтәқәа, аихшьаалақәа. Алахәҩцәа ҩ-гәыҧкны рыҽшаны, рпроектқәа цәырыргеит.
Агәыҧқәа ражәалагалақәа ҭҵааны, акомиссиа иаӡбеит ашкол ӡыла аиқәыршәара иазку апроект ацхыраара арҭарц.
АААКи «Асоциалтә ҧшьгамҭақәа руаажәларратә центри» ашколхәыҷқәа рзы ихдыртит ауаажәларратә ҭыҧ.
«Адунеизегьтәи аҧсуа-абаза конгресси Ростовтәи атәылаҿацә Каменск-Шахтинск ақалақь аҟнытә «Асоциалтә ҧшьгамҭақәа руаажәларратә центри» еицымҩаҧыргаз аусура аҳәаақәа ирҭагӡаны Ҧақәашьтәи абжьаратә школ N 1 аҟны иаадыртит ауаажәларратә ҭыҧ. Ауадаҿы арҽеиратә усурақәа мҩаҧыргеит: идырҿыцит аҭыӡқәа, аҭуан, аҩнымаҭәа.
Ауада еиқәдыршәеит ашколхәыҷқәа ргәы иаҭахыз аспорттә маҭәахәқәа рыла.
Аиҧш зеиҧшу ауаажәларратә ҭыҧқәа аадыртраны иҟоуп Шьашькәара, Уақәым, Мгәыӡырхәа.
АААКи «Асоциалтә ҧшьгамҭақәа руаажәларратә центри» хықәкылатәи ацхыраара ҟарҵеит Дәрыҧшь ақыҭа ашколхәыҷқәа рзы.
Адунеизегьтәи аҧсуа-абаза конгресси Ростовтәи атәылаҿацә Каменск-Шахтинск ақалақь аҟнытә иавтономтәу икоммерциатәым аиҿкаара «Ауаажәларратә ҧшьгамҭақәа руаажәларратә центри» еицымҩаҧыргаз аусура аҳәаақәа ирҭагӡаны аспорттә маҭәа рзаархәеит Гәдоуҭа араион Дәрыҧшь ақыҭа ашколхәыҷқәа рзы.
Апроект: «Икоммерциатәым аиҿкаарақәа рызҳарҭа: Аҧсны» мҩаҧысуеит УА Ахада Ифонд агрантқәа рыбзоурала.
